11 April 2010
03:00 - Ўзбек матбуотида Польша президенти учоғининг ҳалокати борасида ҳам сўз йўқ, “Ҳаракат” бундай сиёсатга қарши курашмоқда
Бугун эрталабки 10:56 да Польша президенти Лех Качиньскийнинг Смоленск яқинида қулаган учоғи ҳақида мамлакатимизнинг энг чекка қишлоқларига ҳам хабарлар оқими етиб борди. Бу каби хабарларни ўрис оммавий ахборот воситалари орқали эшитишга ўрганиб қолган юртдошларимиз маҳаллий хабар воситаларининг мум тишлаб олганига ҳайрон бўлаётгани йўқ. Орадан сал кам бир кун ўтишига қарамай, мамлакат ҳукуматининг на ҳамдардлик телеграммаси, ва на бирор муносабати чиқмади.

Ҳозир ўзбек халқини ўз мамлакати ичидаги муҳим воқеалардан ҳам хабардор қилмаслик сиёсати олиб борилмоқда. Ҳатто Андижон қирғини даврида ҳам аҳолини информацион очликдан тутиб турган ҳукуматнинг Смоленскда бўлган фожеа бўйича сукутига ажабланмаса бўларди. Лекин ажабланмаслик билан чекланиш хатодир. Бундай сиёсатга қарши курашиш керак.

“Ҳаракат” агентлиги ана шундай курашда.
« Олдинги хабар Хабарлар рўйхати Кейинги хабар »