Кеча АҚШнинг Индиана штатида, ҳам республикачилар, ҳам демократлар, президентик сайловининг бошланғич босқичини, яъни праймеризни ўтказдилар. Ҳали узул-кесил натижа маълум эмас. Аммо, АҚШнинг жиддий ахборот воситалари биринчи эълон қилинган маълумотлар ва турли сўровномаларнинг натижаларига асосланиб, Республикачилар Партиясининг президентикка номзоди бўлиш учун олиб борилаётган пойгада биринчи ўринда кетаётган Доналд Трамп Индианада тўла ғалаба қозонганини айтмоқдалар. Кўринишидан, бу штатдан Республикачилар Партиясининг номзод кўрсатадиган қрултойига сайланган делагатларнинг сал кам ҳаммаси Доналд Трамп тарафдори бўлибди.

Шу билан, бу партиянинг номзоди бўлиш учун курашаётган 3 кишининг тарафдори бўлган делегатларнинг сони қуйидагича бўлди:

Доналд Трамп - 1053
Тед Круз – 572
Жон Касич - 152

Маълумки, Республикачилар Партиясининг қурултойида ғалаба қозониб, бу партиянинг президентликка номзоди бўлиш учун камида 1 минг 237 делегатнинг овози керак. Трамп бундай рақамга яқинлашиб бораётгани кўриниб турибди. Айнан у республикачиларнинг бу йил 8 ноябрда бўладиган сайловдаги номзоди бўлади, кейин президентлик курсисини ҳам эгаллайди.

Дарвоқе, “Ҳаракат”нинг башоратларини Тед Круз ҳам тушуниб етибди ва президентлик пойгасидан чиққанини эълон қилибди.

Индиана штатидаги демократларнинг праймеризида иккала номзодликка номзод – Ҳиллари Клинтон ва Берни Сандерс тахмина бир хил овоз олибдилар. Бу партиянинг номзоди Ҳиллари Клинтон бўлиши ҳам аниқ.