25 January 2016
20:32 - Сурияда уруш олиб бораётган Путиннинг масхарабозлиги: Биз Суриянинг ички ишларига аралашмаймиз
Бугун пешин соатларида Шимолий Кавказдаги Ставрополь Федераль Округининг маркази Ставрополь шаҳрига учиб келган Россия Президенти Владимир Путин шу ерда ўтаётган ўзининг қўғирчоқ ташкилоти - Умумроссия Халқ Фронтининг минтақалараро форумида иштирок этди. Унинг бу ердаги гапларидан хулоса қилиш мумкинки, Россия императорлиги яратилгандан бери, СССР ҳам бу императорликнинг босқичларидан биридир, ҳеч қайси император бунчалик лўттибоз ва масхарабоз бўлмаган.

Путин ўзининг терроризмга қарши кураш йўлини ва Чеченистондаги қўғирчоғи Рамзон Қодировни мақташи устидан роса кулса бўлади. Ваҳоланки, у ислом терроризмини назарда тутмоқда. Аммо кўриниб турибдики, у ислом терроризмининг моҳиятини ҳам тушунмайди. Ўзи тушунмаган нарсага қарши қандай курашиш мумкин?

Буларнинг қўйиб турайлик ва унинг қуйидаги сўзларига эътибор берайлик. У айнан шундай деди: “Россия Суриянинг ички ишларига аралашиш нияти йўқ”. Сурияда ростакам уруш олиб бораётган Россиянинг Сурия ички ишларига аралашиш нияти йўқ эмиш. Бу масхарабозлик бўлмаса, масхарабозлик нима ўзи.

Тан олиш керакки, масхарабозликда Путин ўз малайи Ислом Карим даражасига тушиб бўлди. Ҳамма эсласа керак, Ислом Карим чет элларда мардикорчилик қилиб, Ўзбекистонга давлат бюджетининг даромад қисмига яқинлашиб қолган ўлчовда пул юбораётган ўзбекларни “дангасалар” деб баҳолаган эди. Давлат бюджетига яқинлашиб қоладиган даражада пул ишлаётган “дангасларни” кўз олдингизга келтира оласизми?

Сурияда уруш олиб бориб, Суриянинг ички ишларига аралашиш нияти йўқлигини гапираётган Россия императорининг соғлиғига диагноз қўя оласизми?
« Олдинги хабар Хабарлар рўйхати Кейинги хабар »