Кеча Украинанинг Венгрия билан чегарсига яқин бўлган Мукачева шаҳарчасида Донбассда руслар билан урушда етакчи роль ўйнаётгани иддао этилаётган “Правый Сектор” (Ўнг қанот) номли ҳаракатга тегишли қуролли кучлар уюшган маҳаллий контрабандист гуруҳ билан, яна иддаоларга кўра, контрабанда соҳасини ўз қўлига олиш учун урушга кирган. Бир неча одам ўлгани ҳам айтилмоқда. Ички ишлар вазирлиги қўшинларининг қуролни ташлаш ҳақидаги буйруғига бўйсунмаган “Правый Сектор” ҳукуматга ҳам бўйсунмаслигини намойиш қилди.

Ҳозир “Правый Сектор” раҳабрияти Донбассда урушда бўлган қуролли кучларини ҳам чақириб олиб, Ички ишлар вазирлиги қўшинлари билан урушга ҳам тайёрлигини билдириш билан бирга, биринчи навбатда Ички ишлар вазирининг исътефосини, ундан кейин Президентнинг ҳам кетишини, парламент тарқатиб юборилиб, янги сайловлар ўтказилишини талаб қилмоқда. Талаблар бажарилмаса, дейди “Правый Сектор”нинг матбуот котиби, ҳокимиятни инқилоб билан қўлга оламиз.

Ҳозир “Правый Сектор” лидери Дмитрий Ярош (расмда) ва Украина Хавфсизлик Хизматининг генерал-майори Виталий Маликов музокаралар олиб боришаётгани хабарларда айтилмоқда.

Агарда ички уруш чиқадиган бўлса, бундан ютадиган Россия бўлиши аниқ, дейди мухбиримиз. У ҳолда, Қримдан кейин Донбасс ҳам Украинанинг қўлидан кетади.

Шунга ўхшаш воқе 1993 йили Озорбайжонда бўлган эди. Ўшанда ҳокимиятда бўлган Озорбайжон халқ фронти ичидаги ички низолар туфайли ҳокимиятни осонликча Ҳайдар Алиев қўлга қиритди. Мана ўшандан бери ҳокимият Алиевлар қўлида, аввал Ҳайдар Алиев, энди унинг ўғли Илҳом Алиев қўлида.