21 November 2014
21:02 - Путинга яна бир шапалоқ: АҚШ Вице-президенти Байден Украинага келди, энди Путин Тошкентга бориб, юзини Ислом Каримга даволатади
Расмий тилда “Украина-Россия конфликти” дейилса ҳам, аслида, ҳозирча Россиянинг қўли баланд келаётган Украина-Россия урушида Ғарб тамомийла Украинани қўллаб-қувватламоқда. Айнан, Ғарб қўллаб-қувватлагани учун 2008 йилги Гуржистон-Россия урушида Путин тўла ғалаба қозонолмагани каби, ҳозир Украинада ҳам Путин тўла ғалаба қозонолмайди, охир-оқибатда эса, тўла ютқазади, Россия Федерацияси парчаланади.

Ғарб, биринчи навбатда, АҚШ шундоғам Украинани тўла қўллаб-қувватлаб экан, Вице-президент Жо Байденнинг Киевга келиши Украина учун рамзий-маънавий аҳамиятга эга. Аммо, бу ташриф, бунинг устига Баденнинг Киевда “АҚШ ҳеч қачон Россия Қримни босиб олгани ва аннекция қилишини тан олмайди” деган сўлари – Россия Президенти Владимир Путин учун шапалоқ урушдан бошқа нарса эмас. Путин G20 саммитида расман яккамоховга айлантирлгач, у саммитнинг тамом бўлишини кутиб ўтирмасдан қочиб қолган эди, мана энди АҚШ унга яна рамзий шапалоқ сигнали юборди.

Ғарб давлатлари, Европа Иттифоқи, НАТО Украинага ҳар турли ёрдам ва қурол билан таъминлаш ҳақида янги режалар тузиш билан бир қаторда, Россига қарши босимни орттириш ва янги санкциялар киритишни маслаҳатлашишмоқда. Ғарбнинг ҳамма лидерлари Россия ва Путинни сал кам террористга чиқаришмоқда.

Энди бечора Путин декабрь ойида Ўзбекистонга бориши эълон қилинди. Тўғри-да, ҳозир Ислом Каримдан бошқа унга илиқ сўз айтадиган биронта жаҳон сиёсатчиси қолмади. Тезда Фуҳушани уй қамоғидан чиқариш ва ноанъанавий тиббиёт усуллари билан Путиннинг юзидан шапалоқ изларини кетказиш учун қилинадиган процедураларга тайёрланишни бошлаш керак.
« Олдинги хабар Хабарлар рўйхати Кейинги хабар »