03 June 2009
23:14 - Ўш шаҳрига янги мэр сайланди
Кеча Ўш шаҳри кенгаши депутатлари шаҳар мэрини сайлашди. Ташқи қўринишдан демократик рухда ўтказилган сайловда аввал икки номзод кўрсатилди, аммо улардан бири охирги дақиқада ўз номзодини қайтариб олди. Натижада, ягона номзод - Мелисбек Мирзакматов кўпчилик овоз билан шаҳар мэри этиб сайланди.

Бугун Қирғизистон президенти Қурмонбек Бақиев кечаги сайлов натижаларини тасдиқлади ва Мелисбек Мирзакматов расман Ўш шаҳрининг мэри бўлди.

Мелисбек Мирзакматов Қора Сув туманининг Папан қишлоғида 1969 йил 18 апрелда туғилган. 1995 йилда Ўш Технология Университетини битирган. 2007 йилдан бери “Ак Жол” партиясидан Қирғизистон Юқори Кенгашининг депутати ва ҳозир “Ак Жол” фракциясини аъзоси. 2009 йилни бошидан бери Мелисбек Мирзакматов Ўш шаҳри мэри вазифасини бажариб келарди.
« Олдинги хабар Хабарлар рўйхати Кейинги хабар »