Тошкент вақти - 
01 June 2009
22:52 -
“Газпром” туркман газини нима қилишни билмасдан, шартномаларни бузиш ниятида
«Газпром» Туркманистонга таклиф қилди: ёки сотиб олинадиган газ миқдорини камайтирайлик, ёки газнинг нархини туширайлик. Бу ҳақда журналистларга «Газпром» бошқарув раиси муовини Валерий Голубев маълумот берган. Унинг тушунтиришича, туркманлардан сотиб олинадиган газининг нархи Европа бозорида сотилиши мумкин бўлган нархга асосланиши керак, аммо, “бугун Европа газ олмаяпти”.
“Биз туркманларга айтдик: ҳурматли ҳамкасблар, бугун сизлардан олинган газни бу нархда ҳеч қаерга сотолмаймиз. Ёки нархларни қайта кўриб чиқайлик ёки миқдорларни”, - дебди Голубев.
Олдинги хабарлардан маълумки, бу йил «Газпром»нинг газига эҳтиёж Россияда ҳам чет элда ҳам камайган. Бунинг натижасида «Газпром»нинг газ чиқариши 2009 йилда 18% тушиб кетган.
Эслатиб ўтамиз, Туркманистон ва «Газпром» орасида газ масаласида илк катта жанжал апрель ойида чиққан. Марказий Осиё-Центр (САЦ-4) газ қувурда катта портлаш бўлганда, Туркманистон тарафи «Газпром»нинг бўлими «Газпромэкспорт»ни айблаб: “Бизни олдиндан огоҳлантирмасдан олинадиган газ миқдори кескин камайтирганингиз туфайли авария бўлган” деганди. «Газпром»нинг бу қадамларини Туркманистон Ташқи Ишлар вазирлиги “мавжуд шартномаларни бир тарафлама қўпол равишда бузиш” деб баҳолаган эди.
Россия туркман газинининг энг катта сотиб олувчиларидан ҳисобланади. Бу йил «Газпром» Туркманистондан 50 млрд кубометр газ сотиб олиши керак. Энди бу миқдор 20% камайтирилиши мумкин.
Қизиғи шундаки, дейди “Ҳаракат”нинг мухбири, Россиянинг ўзи бу каби мавжуд шартномаларни доим қўпол равишда бузиб келади. Украина билан ҳам шундай бўлмоқда. Россия бор шартномаларга риоя қилиш талаби билан ҳозир Украинани унга керак бўлмаган газни сотиб олишга мажбур қилмоқда. Туркманистонда эса, шартномада кўрсатилган миқтордаги газни сотиб олишдан қочмоқда.
“Биз туркманларга айтдик: ҳурматли ҳамкасблар, бугун сизлардан олинган газни бу нархда ҳеч қаерга сотолмаймиз. Ёки нархларни қайта кўриб чиқайлик ёки миқдорларни”, - дебди Голубев.
Олдинги хабарлардан маълумки, бу йил «Газпром»нинг газига эҳтиёж Россияда ҳам чет элда ҳам камайган. Бунинг натижасида «Газпром»нинг газ чиқариши 2009 йилда 18% тушиб кетган.
Эслатиб ўтамиз, Туркманистон ва «Газпром» орасида газ масаласида илк катта жанжал апрель ойида чиққан. Марказий Осиё-Центр (САЦ-4) газ қувурда катта портлаш бўлганда, Туркманистон тарафи «Газпром»нинг бўлими «Газпромэкспорт»ни айблаб: “Бизни олдиндан огоҳлантирмасдан олинадиган газ миқдори кескин камайтирганингиз туфайли авария бўлган” деганди. «Газпром»нинг бу қадамларини Туркманистон Ташқи Ишлар вазирлиги “мавжуд шартномаларни бир тарафлама қўпол равишда бузиш” деб баҳолаган эди.
Россия туркман газинининг энг катта сотиб олувчиларидан ҳисобланади. Бу йил «Газпром» Туркманистондан 50 млрд кубометр газ сотиб олиши керак. Энди бу миқдор 20% камайтирилиши мумкин.
Қизиғи шундаки, дейди “Ҳаракат”нинг мухбири, Россиянинг ўзи бу каби мавжуд шартномаларни доим қўпол равишда бузиб келади. Украина билан ҳам шундай бўлмоқда. Россия бор шартномаларга риоя қилиш талаби билан ҳозир Украинани унга керак бўлмаган газни сотиб олишга мажбур қилмоқда. Туркманистонда эса, шартномада кўрсатилган миқтордаги газни сотиб олишдан қочмоқда.
