13 August 2017
22:38 - ЎзАда янги раҳбар, аммо хабарчиликда масхарабозлик ўша-ўша
10 августдаги хабаримизда ёзувчи ва журналист Абдусаид Кўчим Ўзбекистон Миллий Ахборот Агентлигига раҳбар этиб тайинлангани билдир экан, “Ҳаракат” Агентлиги бу муассасанинг фаолиятини танқид қилиб дабдаласини чиқариб келаётганини урғулаган эдик. Табиий, янги раҳабар билан ЎзА тузукроқ иш қилишга бошлашини ҳам кутган эдик.

Аввалари ҳам кўп марта айтганимиздек, 21 асрда хабарчилик иккинчи нонга айланиб бўлган, аммо Ўзбекистонда хабарчиликнинг ўзи йўқ. Айнан шу сабабли, ўзбеклар ҳар қандай давлат иқтисодининг асосий кўрсатгичи бўлган Киши бошига Ялпи Ички Маҳсулот ҳажми бўйича Ўзбекистонимиз ривожланган давлатлардан 30-50 баравар орқада эканлигини қўйиб туринг, қўшниларимиз Қозоғистон ва Туркманистон бир неча марта орқадалигини, ўзбек профессорлари қозоқ дворникларидан кам маош олишини ҳам билмасдилар.

Бутун дунёда оммавий ахборот воситалари ҳар куни кеча кундуз ишлашади, аммо бизда, масалан, ЎзА ҳафтада 5 кун кундуз кунигина, шанба куни ундан ҳам қисқа вақт ишлайди, якшанба куни бутунлай ишламайди. Мана сизга хабарчилигимизнинг аҳволи. Аҳволимизни ЎзАнинг янги раҳбари ҳам ўзгартириш ниятида эмаслиги дарҳол кўринди. Бугун ЎзА одатдагидек дам олишда. Абдусаид Кўчим бир нарса ўзгартирмоқчи бўлса, битта ўзи бўлса ҳам келиб ЎзАни ишлатиб турган бўларди. Хуллас, шармандалик ва хабарчиликда масхарабозлик давом этаверади.

Расмда “Ҳаракат”нинг устидан кулаётган ЎзАнинг янги раҳбари Абдусаид Кўчим.
« Олдинги хабар Хабарлар рўйхати Кейинги хабар »