26 February 2016
22:15 - Тошкентда яна автобус ёнди, нима бўпти? Ўзбекистон ёниш арафасидаку!
Бугун ҳам Тошкентнинг марказий кўчаларидан бирида Мерседес Бенс автобуси ёнди. Жабрланувчилар ҳам бор. Воқеа шоҳидларига кўра, аввалгиларидан фарқли равишда автобус алангаси узоқ-узоқларга ҳам кўринди. Facebook ижтимоий тармоғига “Водители Ташкента” деб номланган гуруҳ томонидан жйолаштирилган суратларда ҳам автобуснинг кучли аланган ичида қолгани кўринади.

Пойтахт жамоат транспорти фаолиятини тартибга солувчи "Toshshahartransxizmat" ширкати мазкур воқеага изоҳ бермади. Ҳолбуки, 3 кун аввал ҳам Тошкент шаҳрининг Фарғона йўли кўчасида Mercedes-Benz Low Floor русумли №12 йўналишда ҳаракатланувчи автобусда ёнғин келиб чиққанди.

Режимнинг расмийлари бу воқеа бўйича изоҳ бермаганларини тушуниш мумкин, дейди мухбиримиз. Ўзбекистон давлатининг ўзи ёниш арафасида экан, қандайдир автобусларга эътибор бериш “Водители Ташкента” номли гуруҳдагиларининг ақлсизлигидир.
« Олдинги хабар Хабарлар рўйхати Кейинги хабар »