Бугун Душанбеда 1992 йил 15 май куни Тошкентда Ислом Каримнинг ташаббуси билан тузилган Коллектив Хавфсизлик Шартномаси Ташкилоти (КХШТ) ўзининг навбатдаги саммитини ўтказди. Табиий, бу ташкилотга икки марта кириб, икки марта чиқиб кетган яккамохов Ислом Карим у ерда йўқ эди.

Хабарларга кўра, Душанбега КХШТга аъзо бўлган ҳамма мамлакатларнинг раҳбарлари келишди - Серж Саргсян, Александр Лукашенко, Владимир Путин, Нурсултан Назарбой ва Алмазбек Атамбаев. Улар Имомали Раҳмон билан биргаликда Тожикистонни ислом террористларидан ҳимоя қилиш ва ИШИД билан курашиш йўлларини муҳокама қилишган. Владимир Путин бундай кураш учун коалиция тузишни ҳам таклиф қилган. АҚШ раҳбарлигида бундай коалиция тузиб бўлинганини ҳисобга олсак, Путиннинг таклифи бир тийинга қиммат эканлигинит тушуниш қийин эмас.

Нима бўлганда ҳам, Ўзбекистон КХШТга аъзо бўлган мамлакатларнинг қуршовида қолди. Ислом Каримнинг яккамоховлик сиёсати Ўзбекистонга фақат зарар келтирмоқда. Ўзбекистон КХШТга аъзолигини ва Марказий Осиёда лидерлик ролини тиклаши лозим. Бундай нарсаларни яккамоховлик билан қилиб бўлмайди. Ўзбеклар ўз муаммоларини тушунаётган бўлсалар, тезроқ Ислом Карим режимини йўқ қилишни ўйлашлари керак. Бугун бунинг ягона йўли – ҳамма муаммоларга тўғри диагноз қўяётган ва даволаш (ечим) йўлларини кўрсатаётган “Бирлик” Партияси атрофида бирлашишдир.