03 September 2015
01:36 - “Ҳаракат” хатқутисидан: Москванинг Таганская метро станциясидаги ўзбек болаларининг ўзбекларга мурожаати - Ака, қоғоз керак эмасми?
Авваламбор айтиш керакки, қоғоз деганларии - қалбаки ҳужжатдир. Бундай қоғозни тайёрлаб беришни таклиф қилаётганларнинг мақсади - фарзандлари Марғилонга бораман деб боролмаётганларга ёрдам бериш эмиш.

Ўзбек миллати қорамоллар подасига айлангани етмагандай, марғилонлик ўзбек фарзандлари Москва шаҳри метросининг Таганская станцияси ва Курск вокзали атрофларида ўзларига ўхшаганларга қалбаки ҳужжат сотиш билан овора. Ўзбеклар орасида бу бизнес йўлга қўйилганинга 15 йилча бўлиб қолган. Ачинарлиси, бу бизнес “ўзбек”ларнинг қўлида.

Ўзбекнинг фарзандлари метро ва вокзал ҳудудида қалбаки ҳужжат керак бўлган мижозни топиб, пулини келишиб, тегишли жойга заказ берадилар. Ушбу заказ 4-5 соат ичида тайёр бўлади. Қалбаки ҳужжатлар орасида патенту регистрациядан тортиб, Россия олий ўқув юртлари дипломлари, ҳатто Россия Федерацияси паспортларигача бор. Нархлар - патент учун 500 Россия рубли, Россия паспорти учун 7-8 минг рубль. Бу бизнес орқасидан, яъни, қалбаки ҳужжатлар тайёрлаш айби билан, Таганская метросининг ўзида 100 га яқин ўзбек фарзанди ушланиб, кейин қамалиб кетилган. Уларнинг деярли 100 фоизи уйланмаган ёш йигитлар.

Эй ўзбекнинг фарзандлари, бугунги кунда дунёнинг илғор мамлакатларидаги тенгдошларингиз юқори технологияларни ўзлаштириб, дунё илм фан техника юзасида буюк кашфиётлар қилишмоқда. Сизчи? Ўзингизга ўзингиз савол беринг. Шу ишингиз Ўриснинг қамоқхоналарида чиришингизга арзийдими? Хўп, дейли сиз озгина қамоқда ўтириб чиқиб, яна ўша ишни давом эттириб, калбакифуруш бўлиб ўтиб кетдингиз дейлик, сиздан кейинги фарзандингиз ким бўлади? Шуни ўйлаб кўрдингизми? Болангизни ҳам калбакифуруш бўлишини хоҳлайсизми? Албатта йўқ! Аммо, айтишингиз мумкин, Ўзбекистонда иш йуқ бўлса нима қилайлик деб.

Ўзбекистонда ҳали иш кўп бўлади. Айнан шу кунларга етишиш учун иш қилинг. Бироқ, тушунингки, бу ишни “Бирлик” партияси қила олади. “ЎЗБЕК”ни сўрайдиган партия, сиёсий куч шу партиядир. Дунёнинг ҳар қандай нуқтасида ўзбекни ҳимоя қилишга бел боғлаган “Бирлик” партиясига қўшилинг!

Миллатни муқаррар ўлимдан қутқариб қоладиган сиёсий куч - фақат ва фақат “Бирлик”дир. Алишер Навоий “Одам бўлсанг демаги одами, униким йўқ халқ ғамидан ғами” деб ёзган. Шундай экан одамликдан чиқдингиз, аммо қайтадан одам бўлиш имкониятингиз ҳали ҳам бор.

Марғилонлик ота-оналар диққатига! Фарзандларингизни ўзга юртларда криминал ишлар билан шуғулланишларига қаршилик қилинг!

Жамол Абдураззоқ
« Олдинги хабар Хабарлар рўйхати Кейинги хабар »