13 July 2011
03:49 - Мексикада яхши ўйнаган футболчиларимиз фахрий нишон ва автомобиллар билан тақдирланди
Футбол бўйича ўсмирлар ўртасида ўтказилган жаҳон чемпионатининг чорак финалига қадар борган ўсмир футболчиларимиз Президент томонидан қатор унвон ва пул мукофотлари билан тақдирланди. Бугунги газетада номлари чиққан ёш футболчиларимиз ҳамда уларнинг мураббийлари, жами 29 киши, “Ўзбекистон Республикаси мустақиллигига 20 йил” нишони билан тақдирланди. Икки мураббийга Lacetti ва 13 ўйинчига Spark автомобиллари ҳам бериладиган бўлди.

Муҳим бир нарсани таъкидлаш керакки, Японияда ўтказилган ўн биринчи Осиё ўйинлари дориасида ҳам Президент футболчиларни автомобиллар билан тақдирлаш ҳақида фармон чиқарган. Бироқ автомашиналарнинг аксарияти футболчиларгача етиб келмагач, жамоа тарқаб кетганди, дейди мухбиримиз. Бу сафар ундай бўлмаслигини орзу қилиш керак.
« Олдинги хабар Хабарлар рўйхати Кейинги хабар »