20 January 2010
23:33 - Россиянинг 20 аср машҳурлари кимлар?
Бу мамлакатнинг 20 асрдаги тарихида машҳурлик даражаси энг юқори одам Юрий Гагарин бўлибди. Бу ҳақда Жамоатчилик фикрини ўрганувчи умумроссия маркази хабар тарқатган.

Тадқиқотларга кўра, биринчи совет космонавтининг рейтинги 0,35. Иккинчи ўринда Владимир Висоцкий - 0,31, учинчи ўринда маршал Жуков - 0,20. Улардан кейин ёзувчилар Лев Толстой ва Андрей Солженицин, сиёсатчилар Иосиф Сталин ва Владимир Ленин, ҳуқуқ ҳимоячиси Андрей Сахаров ва актёр Андрей Миронов келади.

Аёллар ичида энг юқори ўринларни спортчи Ирина Роднина (0,09) ва балерина Майя Плисецкая (0,08) эгаллашибди. Яна бир қизиқ факт. Гагарин ва ёзувчи Михаил Булгаковнинг рейтинги ёшлар ичида, Висоцкийники ўрта ёшлилар ичида, Жуков, Сталин ва Лениннинг рейтинги ёши катталар ичида юксак экан.

Бундай тадқиқот 10 йил аввал ҳам ўтказилганда, Гагариннинг рейтинги 0,30, Висоцкийники эса бугунгидай бўлган. Шундай қилиб, 10 йил ичичда Висоцкий биринчи ўринни Гагаринга бериб, ўзи иккинчига тушган.

Рейтингларни белгилаш бўйича охирги сўровнома шу йилнинг 9 ва 10 январь кунлари Россиянинг 42 вилоят, ўлка ва республикаларида ўтказилибди, 1600 кишининг фикри ўрганилибди.
« Олдинги хабар Хабарлар рўйхати Кейинги хабар »