Тошкент вақти - 
27 April 2023
21:12 -
Йилига 105 тонна олтин қазиб оладиган Ўзбекистон дунёда 5-чи эканлигини анча йиллар олдин биз айтгандик. 2020 йилда бу рақам101,6 га тушибди, дунёда 8-чи бўлибмиз. Бизда йиллик олтин қазиб олиш энди 1,5 баробарга оширилармиш. ТУРКЭЛИ қачон бўлади?
Ўзбекистон йиллик олтин қазиб олишни қарийб бир ярим баробарга, яъни 150 тоннагача оширишни режалаштираётгани ҳақида Ўзбекистон Тоғ-кон Саноати ва Геология Вазири ўринбосари Аъзам Қодирхўжаев “Иннопром. Марказий Осиё” Халқаро Саноат Кўргазмасида маълум қилди.Унинг айтишича, 2021 йилда Қизилқумда 133 тонна захирага эга янги «Чукурқудуқ» олтин кони, 2022 йил апрель ойида Навоий вилоятининг Томди туманида 40 миллион тоннадан ортиқ маъдан захирасига эга Мурунтов кони таркибида Балпантоғ ваТомдибулоқ конлари топилгани хабар қилинган экан. Бу ерда қарийб 15 йил давомида йилига 3 миллион тоннадан ортиқ маъдан қазиб олиш режалаштирилган.
Ёлғон ваъдалар бериш осон, аммо йиллик олтин қазиб олишда 5-чи ўриндан 8-чига тушганимиз катта талофатдир.
Тахмин қилиш мумкинки, келжакда ҳамма соҳаларда, олтин қазиб олишда ҳам, аҳволимиз ҳозирги ҳокимият қўли остида дабдалалишиб бораверади.
Бу аҳволдан чиқишнинг ягона йўли, ҳамма демократик мухолифат ташкилотлари бирлашиб, катта кучга эга бўлишлари ва демократик сайловларда “Бирлик” Халқ Ҳаракати Партиси раҳбарлигида ҳокимиятни қўлга олишларидир.
Ҳеч шубҳасиз шундай бўлади, мухолифат ичидаги бир маҳаллар ҳайвонсифат Салай Мадаминов қилгандек, “Бирлик”ни парчалашга интилаётган ҳайвонсифатлар “Бирлик”нинг ахлатхонасига улоқтирилади, айнан “Бирлик” ҳокимиятга келади, мамлакатимизда жиддий сиёсий, ижтимоий ва сиёсий ислоҳотлар ўтказилади, Ўзбекэли номини оладиган Ўзбекистон дунёнинг фаровон ва кучли мамлакатларидан бирига айланади.
Вақти келгани учун эслатиш керакки, Бирлик” Халқ Ҳаракати Партияси раиси ўтган асрнинг 90 йилларида Туркияда чиқадиган энг машҳур журналлардан бирида ёзган мақоласида, Туркия, Ўзбекэли, Уйғурэли, Қозоқэли, Қирғизэли, Туркманэли, Озорэли ва Афғонистоннинг асосан ўзбеклар яшайдиган шимолий ҳудилдари бирлашиб, ТУРКЭЛИ деб аталадиган давлат тузилишини башорат қилган эди. Айнан, шундай бўлади. Бўшашманг, ТУРКЭЛИнинг асл фарзандлари!
Расмнинг марказида туркий халқларнинг рамзи бўладиган Бозқурд, атрофида Туркэлига кирадиган ва Туркэлининг тарафдори бўладиган давлатларнинг байроқлари.
