07 August 2012
23:10 - Икки спортчимиз ўзбекларни шармандаликдан қутқариши мумкин
Қозоғистон жамоаси Лондондаги Олимпиада ўйинларида бугунгача 6 олтин ва 1 бронза медали олиб, пешқадамлар сафида турар экан, ягона бронза медалига эришган спортчилармизнинг аҳволи – Президент Ислом Карим раҳнамолигида Ўзбекистонда спорт соҳаси ҳам чўкиб бўлганининг яна бир исботидир.

Ҳозир гап бу инсон ҳақида эмас, Ўзбекистоннинг, Ўзбек миллатининг обрўсини бир оз бўлса ҳам сақлаб қолиш ҳақида. Бундай иш қила олишга қодир бўлган ягона спортчи - 26 ёшли боксчимиз Аббос Атоев бўлиши мумкин.

У Лондон мусобқаларининг ярим финал босқичига чиқишга муваффақ бўлди. Осиё ўйинларида у ҳиндистонлик Вижендер Сингхдан йирик ҳисобда мағлуб бўлганди. Лондонда яна шу Вижендер Сингхга рўпара келган Аббос ишончли ғалабага эришди. Унинг олтин медалгача бориши тахмин қилинмоқда. Ишқилиб, шундай бўлсин.

Айни замонда, каноэда эшкак эшиш бўйича ҳамюртимиз Вадим Менков финалга чиқди. У ҳам бирота медаль соҳиби бўлиши мумкин.
« Олдинги хабар Хабарлар рўйхати Кейинги хабар »