Журнал Ҳаракат №5 (32) 2001. Биз яшаятган жамият
Уктам Мурод, Узбекистонда хизмат курсатмаган тиббиёт ходими - Бир кадам олга, икки кадам оркага
Узбекистон Республикасининг мустакиллги эълон килинганига мана 10 йил тулди. Муйсафид тарихнинг олдида бу бир лахзага тенг булса хам, шу юрт фукаролари, миллат учун сезиларли муддат бу, ахир хазилакамми, бу даврда тугилган чакалок унга кирди, биринчи синфга кирганлар битирди. Йигит ёшидагилар етуклик даврига, етуклар эса кексалик ёшига утдилар. «Августда яхши булади, мартда зур булади, Узбекистоннинг келажаги буюк» каби баландпарвоз шиорлар, хашаматли ваъдалар билан бир авлод умри утиб бормокда. Бу давр ичида кайси жавобни тахлил килиб курмайлик, кай бир сохани кузатмайлик миллатнинг, халкнинг тараккиёти тухтаганлигини, ёхуд кун куришнинг огирганлашганини шохиди булиб бормокдамиз. Шу жумладан, Узбекистон табобати хам. Гапларимиз айрим шахсларнинг ваъдалари каби курук булмаслиги учун уни айрим далил ва ашёлар билан мустахкамлайлик.

Собик СССР аталмиш Империя худудида ва даврида касалхоналарда инсон саломатлиги учун, унинг окилона шифо олиш учун зарур дори-дармонларни деярли хаммаси топилар, оёкни кулга олиб операция учун, муолажа сеанслари учун дори излаб юришлар аклга сигмас бир хол хисобланарди. Бу жараёнларни устидан назорат хаддан ташкари кучли булиб, унинг бузилишига олиб келадиган хар кандай кусур ва камчиликлар уз вактида аникланар, масъул шахслар эса узига тегишли жазодан бебахра колмас эдилар.

Мустакилликдан кейин эса шундай даврлар бошландики (муаллиф 1992-1997 йилларни назарда тутмокда), узини ёки боласини операция килдирмокчи булган бахти каро, шахарма-шахар, дорихонама-дорихона операция учун наркоз дорилари (морфин, омнонон, калипсол, натрий оксибутират) стерил докалар тайёрлатиш учун беш-ун метрлаб тоза дока, бир-иккки литрлаб спирт, хатто кетгут, этикон каби стериал ипларгача излайдиган булдилар. Парадоксни каранг, касалхонада топилмаган бу «анконинг уруглари» хусусий дорихоналарда, бозордаги доричи хотинларда, айрим жаррох ва анестезиологларда истаганича топилар, факат Хужа Насриддин айтганидек, кичкинагина нарса, яъни мулла жаранг булса бас эди.

Нахотки, Узбекистон пахта етиштирадиган давлат була туриб, унда бинт ва стерил пахта етишмаса, деб ич куйлагининг ёкасини ушловчилар хам топилар ва балки муаллифнинг далилларини курук гапга йуяр! Аммо «хазрати Далил» дан кочиб кутулиб булмайди. Шу уринда муаллифнинг фикри ожизига «Сукрот менинг дустим, аммо хакикат ундан улугрокдир» деган файласуфона хайкирик келади. Ха, Узбекистон менинг юртим, аммо хакикатни очиб ташлаш унинг юзига лой чаплаш эмас!

Албатта, 1997-йилдан кейин бу ажабтовурликка бир кадар бархам берилди, яъни касалхоналарда наркоз дорилари, стерил материаллар бир кадар такчил булмай колди. Аммо, шунга карамасдан ханузгача беморнинг кариндош-уругларининг кулига дорилар битилган (баъзан нархи бир неча юз минг сумга етадиган 10 хиллаб дорилар) тутказиш модага айланди. Тополмадингки, узингдан упкала, дардингни сувга айту, «Августда яхши булади» деб узингни овут. Ё булмаса, тирсагингни тишла! Огир бир дардга мабтало булиб уни даволатиш учун хону-монидан, уй-жойидан, мол-холидан буткул ажраган инсонларни биламан.

Собик СССР замонасида «Совет медицинаси профилактик йуналишига эга. У хаммага бир хил, тез ва сифатли хизмат килади. Совет медицинаси ахолига бепул хизмат курсатади» деган учта асосий принциплари булар эди ва албатта имкон кадар бу принципларга амал килинар, ахолига курсатиладиган тиббий хизматнинг даражаси кониктирарди. Бу СССР миллий даромаднинг бор-йуги 1,5% кисми медицинага ажратилган даврда булиб, бугунги кунда республиканинг согликни саклаш ишлари буйича корхоналар собик иттифокка караганда миллий даромаднинг медицинага ажратилган хиссаси ун баробардан ошиб кетди деб айюханнос солмокдалар. Аммо, кани натижа! Хакикатда канча маблаг медицинага ажратилмокда, буни факат Аллох билади?

Тиббий хизмат профилактик йуналишга эга булганлиги боис у даврларда бу жабха хаддан ташкари кучли назоратга олинар, бирор жойда кандай эпидемия учоги пайдо булмасин, дархол куршаб олиниб барча чора тадбирлар ишга солиниб, бархам бериларди. Лоакал етмишинчи йилларда Коракалпогистон ва Хоразм худудларида пайдо булган вабо учоклари билан курашларни олиб каранг. Вирусли гепатит, ич терлама каби касалликлар таркалмаслиги учун барча чора тадбирлар куриларди. Шу боисдан бу касалликлар истисно тарикасида жуда кам учрарди.

Бугунчи бугун, вирусли гепатит кириб бормаган хонадоннинг узи колмадимикан келажаги буюк бу юртда! Муаллиф мазкур сатрларни битар экан, халкпарвар хонанда Дадахон Хасановнинг:



Инграб нафас олса далалар,
Куриб кетган булса лолалар,
Сарик булиб улса болалар,
Ука буни кишлок деб билгин!
Захар тула тупрок деб билгин!
Кунлар утса нурсиз, савдоли,
Ечилмаса минг бир саволи.
Узига ут куйса аёли,
Укам буни кишлок деб билгин,
Пешонаси шуррок деб билгин!


деган хакконий нолалари тилига бот-бот айлана беради.

Ха, бугун нафакат сарик булиб, балки ич терлама (корин тифи) булиб бир оиладан икки учталаб улиб кетганлар бор Узбекистонда! Аммо халк жим ва табиийки рахбарият хам жим. Ушбу жумлаларни бирор бир согликни саклаш вазирлиги корчалони укиса, бекор гап, куп-курук тухмат бу деб тутканок тутиб колиши мумкин. Аммо, урток рахбар, Сиз иссикина хонада, юмшоккина креслода юмшок утириб олиб, бюрократик механизмни кандай бошкариш муаммолари устида сочингизга курт тушиб (муаллиф сочингизни тукилиб демокчи) ишламокдасиз, аммо кишлокда, туман ва вилоятларда нима кечаётганидан хабарингиз йук сизнинг. Сиз битлаган, бургаланган, хатто кутир босиб бадани шилиниб кетгунича кашинаётган фукаролар борлигини, уларнинг каттагина фоизни ташкил килишини билмайсиз. Туман ва вилоят согликни саклаш мутасаддилари эса Узбекистон рахбарларига хос равишда пастдагиларни куркитиб, юкоридагиларни алдаш билан овора. Шунинг учун Кашкадарё ёки Самарканднинг чекка кишлокларида ич терламадан улган беморни ё умуман кайд килишмайди, ёки бошка ташхисдан улди деб далолатнома тулгизадилар. Аммо, балки худди шундай килинсин, деган буйрук юкорининг узидан келгандир. Яна хам Аллох билгувчирокдир.

Албатта хакикатни баралла айтишдан согликни саклаш буйича масъул рахбарлар куркадилар. Чунки, Узбекистоннинг деярли барча худудларида учраётган бу касалликлар на факат тиббий, балки ижтимоий муаммодир. Чунки даромаднинг мазаси булмаса, табийки ейиш-ичишнинг баракаси булмайди. Факат нон-чой билан бир йиллаб кун кечирган фукароларда иммунитет нима килсин! Кейин унга ёпишаверадида, инфекцияси хам, кана-бургаси хам! Вужуднинг химояловчи кучи улганидан кейин корин тифи хам опп-осон ривожланади. Ижтимоий муаммога тил теккизиш эса Узбекистондек демократия йук давлатда жуда вахимали, нак каттанинг узидан юмшок жойга тепки еб, хизмат креслосидан учиб кетиш, ёмонрок холларда эса авахтада чириш хеч гап эмас! Огримаган бошни огритиш кайси корчалонга хуш келибди, дейсиз!

Собик СССР даврида шундай катта худуднинг энг четларига кадар ош тузи марказлашган холда йодланиб жунатилар, шу билан бирга эндемик букокдек мудхиш балонинг олди олинарди. Муаллиф бир йил мукаддам олис кишлокдаги бир мактабда булиб (хизмат сафарида) укувчиларнинг нак 80% кисмида букокнинг у ёки бу даражаси борлигини курди. Эссиз болалар, ахир беш-ун йилдан кейин барчаси ногирон булиб колади. Асаб-юрак, кон томир тизимлари ишдан чикиб, узлари дармонсиз булиб коладилар, бу хам камлик килгандек букокнинг огир даражалари бепуштликка олиб келади. Ана сизга буюк келажакнинг бахтли сохиблари. Президентимиз: «Фарзандларимиз бизга караганда кучлирок, согломрок, бахтлирок булсинлар» деб ойнаи-жахондан чикиш килганларида бу далилларнинг мавжудлигидан хабари булдимикан?

Узбекистон Республикаси мустакиллика эришганидан кейин куп яхши гаплар айтилди, ажойиб шиорлар пайдо булди, маънавият ва маърифат деган тушунчалар пайдо булиб, дунё-дунё нарсалар ёзилди. Аммо бирор бир аклли бир зотнинг калласига ахоли истеъмоли учун ош тузини йодлаб бериш керак, деган фикр келмади. Окибатда утган ун йил ичида бу дард шунчалик таркалиб кетдики, айникса хотин-кизларнинг хар 3-4 тадан бирида букокнинг у ёки бу даражаси пайдо булди. Хозир кечикиб булсада, Сурхандарё ва Хоразмдан казилган тузларни йодлаш йулга куйилди, деган гаплар юрибди, аммо уларнинг сифати ва камрови кай даражада эканлигини, яна боя-боягидек Худо билади.

Узбекистонда якин-якинларгача энг кам иш хаки 1850 сум эди, хозир 4200 сум булган дейишади. Энди киёслаш учун дори-дармонларнинг нархлари билан таништирсак, капалагингиз учиб кетади…

Шундай килиб хозир Узбекистонда нима куп ёлгон гап, курук ваъда ва аптекалар жуда куп. Холисона айтсак, хозир дори бизнеси жуда авжига чикиб кетганлиги ва унинг оркасидан яхшигина бойиш имкониятлари мавжудлиги учун хатто молхоналарнинг ичига хам дорихоналар очиб ташланган. Аммо, улардаги дори-дармон нархлари нак чакиб олайин дейди. Хусусан, бир флакон рецефин (антибиотик) 8-10 минг сум атрофида, лендацин 3-5 минг сум, албуиннинг 50,0 мл лиги 10-12 минг сум, олиговит (поливитамин препарати) бир кутиси 3-5 минг сумгача, полиглюкин 500 мл 2-3 минг сум. Антибиотикларнинг энг арзони ва самараси ками булган пенциллиннинг ун донаси 1,5-2,5 минг сум атрофида. Демак хозир касал булган одамни худо уриб, Пайгамбар (с.а.в) хассаси билан туртгандек булди. Аммо, хар биримизни мутлако соглом ва касал булмайди деб кафолат беради. Умуман, энг кам иш хакини хисоблашганларида кандай курсатгичлардан келиб чикдилар экан? Муаллиф шуни билолма хайрону-саргардон.

Айрим сафсатачи олимлар ва тутуруксиз мутахассислар укув жараёнига тест тизимини киритиш Узбекистон Олий таълимидагиэнг катта ислохатлардан булди, деб бонг урмокдалар. Хатто уялмай-нетмай бу хакда телевидение ва матбуотда хам огиз купиртириб мактанмокдалар. Аммо, айнан мана шу тест тизими тайёрлашдаги энг катта ва кечирилмас хатолардан бири булди. 1994-йилдан буён факат механик ёдлаш ва кучиришдан иборат булган билимга эга, малакаси саёз иктидорсиз шифокорлар Узбекистон тиб ахли сафини тулдириб келмокдалар. Шунингдек, таълимнинг бюджет ва контракт тоифаларига булиниши хам мутухассислар сифатини пасайтириб юборди. Хозир Узбекистонда чунтаги пулга тула хар кандай каллаварам хам укиб шифокор булиши ва сиз билан мени (Худо сакласин) даволаши мумкин. Бунинг окибати канчалик аянчли (кимлар учун), канчлик кулгули (кимлар учун) ва канчалик манфаатли (яна аллакимлар учун) булишини хис килиб турган булсангиз керак.

Бу хам етмагандек Узбекистон дорихоналарида калбаки дориларнинг бозори чаккон булиб кетди. Сиз билан бизга ухшаган тиббиётдан йирок одамлар билмасдан, тоза-калбакисини ажратмасдан катта пулга сотиб олиб, фойдадан кура купрок зиён олиб юраверадилар. Буни назорат киладиган, нопок дорифурушларни жазосини берадиган бирорта мардни топиш пустак орасидан бургани кидиришдек муаммо.

Биз мустакил булганимизга ун йил булди. Муйсафид тарихнинг олдида бир лахза, инсон умрига киёс килинса хийла сезиларли муддат бу. Ёлгон ваъдалар, курук шиорлар билан, эпидемиялар, тиббий-ижтимоий офатлар, оксилга ёлчимаслик окибатида келиб чикадиган турли хасталиклар орасида узбек миллатининг бир авлоди умргузаронлик килмокда. Дадахон Хасанов нола килганидек, «сарик булиб болалар улмокда, аёллар узига ут куймокда». Узбекистон радио ва телевиденияси, «Сихат саломатлик», «Соглом авлод учун», «Оила шифокори» каби ёлгончи матбуотлар эса Узбекистон тиббий ахволни, тиббий реформаларни эса бир овозда мактаб юзсизларча каззоблик килмокдалар. Бир неча махалла нарида эса, узбекнинг буюк бир углони - жахонгир Амир Темур хазратлари - курсаткич бармокларини самога тираб олти аср наридан «Авлодлари носоглом юртнинг келажаги булмайди», деб турибди.