Журнал Ҳаракат №2 (35) 2002. Биз яшаятган жамият
Шамсиддин - Узбекистонда фукаролар уруши хавфи борми?
Тахририятдан: Бизга кеч етиб келган ушбу макола, куринишидан, 2001 йил 11 сентябрь вокеаларидан аввал ёзилган. АКШнинг антитеррористик уруши натижасида, Узбекистондаги вазият кескин узгарди, аммо Шамсиддин тилга олган муаммоалар хали хам тула актуаллигини йукотмади, деган фикрдан келиб чикиб, маколани диккатингизга хавола килмокдамиз.



Узбекистонда фукаролар уруши буладими? Бу масалага ёндошувчи куплаб сиёсатчилар ва тахлилчилар, файлусуфлар ва башоратчиларни учратиш мумкин. Аммо бугунги Узбекистоннинг буюк келажагини, вактинчалик кийинчиликлар сабаб уз Президентига карши борувчи кучларнинг йуклигини, халк Презедентга садокатли эканлигини сузловчилар хам йук эмас. Асосли равишда Узбекистондаги ижтимоий-иктисодий ахволга назар ташлайдиган булсак, халкнинг сабр косаси тулганлигини, кандай килиб булмасин, бугунги кийин вазиятда яшаб колишга интилаётганлигини пайкашимиз мумкин. Демак, ким хак, ким нохак деган савол атрофида айланмасдан, мавжуд ахволга, вокеа ва ходисаларга сиёсатчилар назаридан ёндошайлик.

2000 йилнинг 6 октябрь куни Венада йигилган Халкаро Хельсики Федерацияси, Россиянинг «Мемориал» Инсон Хукуклари Маркази хамда Марказий Осиё мамлакатларида фаолият олиб бораётган инсон хукуклари химочилари вакиллари иштирокида кабул килинган бир хужжат «Узбекистонда фукаролар урушининг олдини олиш мумкин» деб аталади. Мазкур хужжат асосан мурожаат тартибида булиб, Марказий Осиё давлатларини содир булиши мумкин булган урушга карши чоралар куришга чакиради. Инсон хукукларининг топталиши, ижтимоий-иктисодий ахвол, хукукий нормаларнинг бузилиши, жазони уташ муассасаларида ва тергов давомида кийноклар утказилиши, ва нихоят мустакил фаолият олиб борадиган хокимият органларининг йуклиги ахоли кенг катламининг норозилигининг кучайишига сабаб булаётганлиги айтилади.

«Мемориал» инсон хукуклари Маркази ходими Виталий Пономаревнинг таъкидлашича, Узбекистонда фукаролар урушининг бошланиб кетиши учун вазият етилган. Хар бир нохак камалаётган йигитнинг ортида унинг якинлари ва кон-кариндошлари бор. Уларда йигилган кахр газаб албатта уруш бошлайдиганларга ён бериши аник. Бу кунда купгина норози фукаролар Исломий кучларга хайрихохлик билдиришининг бош сабаби улар Каримов режимига карши булганларидир.

Узбекистонда фукаролар урушининг келиб чикиши мумкинлиги эхтимолининг юкорилиги купгина халкаро ташкилотларни хам ташвишга солмокда. Хукумат бугунга келиб халкаро ташкилотларнинг талабига назар писанд килмайдиган булди, деб таъкидлайди Европада Хавфсизлик ва Хамкорлик ташкилоти маслахатчиси, сиёсий фанлар номзоди Аннет Легутке 2001 йилнинг 2 августида Узбекистон демократик кучлари делегацияси аъзолари билан утказган сухбатида. Хуш, урушнинг булишидан даставал кимлар манфаатдор булиши мумкин?

«Хар калай, фукаролар урушининг содир булиши мухолифат учун зарур эмас. - дея уз фикрини билдиради Узбекистон «Эрк» демократик партиясининг Бош котиби Самад Мурод. - Каримовнинг авторитар хукумати уз халкига утказган зулми билан халкаро жамоатчиликнинг хам назаридан колди. Масалан, инсон хукуклари химоячиси Шоврик Рузимуродовнинг улимини олиб карайлик. Умуман олганда, Шоврик Рузимуродовнинг улими ким учун керак эди. Хар калай хукумат бундай котиллакнинг килинишига фатво берган, деб уйлаш хам нотугри. Уни узига буйин сундиролмаган милиция ходимлари уз кучларини курсатиб куйиш учун улдиришган булса керак. Бундан ахир факат Узбекистон хукуматининг узи зиён курди. Милицияга мана шундай хукук ва эркни бериб куйган хукумат узининг айбига узи икрор булишни хам истамаяпти. Каримов эса уруш булишидан энг манфаатдор кимса булиб колаяпти. Чунки у узини оклаши учун хам унга ташки душман керак ва унга карши куч сафарбар килиши зарур. Узбекистон армияси куролланган Исломий кучлар олдида шунчалар ожизми? Йук. Факат унинг узи учун бу кучларнинг мавжуд булиши зарур».

Узбекистон уз мустакиллигини эълон килибдики, сиёсий ва иктисодий ислохатлар олиб бораётганлиги даъво килиб келинади. Баъзи бир манбалар эса боскичма-боскич утказилаётган ислохатлар узини окламаганлигини курсатишга уринади. Аммо Республика ахли хаётида ижобий узгаришлар кузатилмаётганлиги ислохатлар бошланганлигини хам шубха остига куймокда. Бунга биргина мисол тарикасида сиёсий тузуми жихатидан Узбекистондан кам фарк киладиган Козогистон мисолида курайлик. «Озодлик» радиосининг маълумотига кура, Козогистон Республикасида уртача маош микдори 160 АКШ долларини ташкил килиб турганида, бу курсатгич Узбекистонда 10 АКШ долларини ташкил этмокда.

Асосан аграр хужалик юритадиган хар икки давлатда бундай кескин фарк кузатилишининг бош сабаби эса, Козогистонда ер дехконларга булиб берилганию уларнинг эрки уз кулида эканлиги билан боглик. Яна бошка бир масала. Маълумки, хар кандай давлатнинг тараккиётини унинг пул бирлигини кадри курсатиб туради. Узбекистон миллий валютасини муомалага чикарган 1996 йилда унинг кора бозордаги киймати 11 сумга, давлат курси 7 сумга тенг эди. Хозирда эса кора бозорда 1 АКШ доллари 1000 суздан ошиб кетган булса, давлат бахоси 370 сум атрофида. Бу уч-турт йил ичидаги салбий узгариш нархларнинг хам кескин узгаришига ва ахолининг ижтимоий ахволини огирлашишига йул очди.

Йил сайин кишилар хаётининг огирлашиб бораётганлиги окибатида, улардаги куркув хисси хам суниб бормокда. 2001 йилнинг 25 июнида Карши шахрининг «Мустакиллик» майдонида, яъни Кашкадарё вилоят хокимлиги каршисида, Камаши туманидан келган 56-60 чоглик аёллар кишлоклардаги ночор ахволдан арз килиб хокимият вакилларидан узларини тинглашни талаб килдилар Аёлларни хокимият вакиллари ичкарига, яъни залга киришга таклиф килдилар, аммо улар заллардаги гап уша ерда колиб кетаверишини билишганлари учун бунга унашмади, хокимият эса митигчилар билан майдонда гаплашишни истамади. Деярлик икки соат давом этган бу мунозара аёлларни милиция тарафидан зуравонлик билан автобусларда олиб кетиш билан хотималанди. Айни шу дамда далаларда галла йигим терими бошланаркан, уйда уларнинг оч утиришлари уларни бундай чикишга ундаганди. Натижа улар кутгандек булиб чикмаганлиги эса, уларда хокимиятга нисбатан ишончнинг улишигагина хизмат килди холос. Галла йигим терими даври Узбекистонда энг долзарб давр саналади. Дехкон етиштирган хосилига узи эга чика олмаслиги, куп холларда улар комбайнга куйилган милиция курикчиларидаг уз донларини узлари хуфёна сотиб олишга мажбур булишлари уларни бу йилги йигим теримда янада кескинрок булишга мажбур килди.

Уз номи ошкор булишини истамаган ички ишлар ходимининг таъкидлашига кура, 2001 йил хосили йигиб олинаркан, улар Карши туманидаги «Чули ота» ширкат хужалиги далаларидаги донни куриклашган. «Одамлар бир кун кечаси келишди, - деб хикоя килади у, - газабларидан куркасан. Биз бир неча киши, улар эса бутун бир кишлок. «Очман! Менга нон керак!» деганча хирмонга ташланишди. Шу топда халал бериб куринг, улдириб ташлашлари хам хеч гап эмас».

Булардан хулоса ясайдиган булсак, содир булиши тахмин килинаётган фукаролар уруши фукароларнинг ута кашшокликда кун кечираётганликлари билан хам богликлиги аён булади.

Узбекистон «Бирлик» халк харакати узининг баёнотлари ва мурожаатларида жахон жамоатчилиги диккатини Узбекистандаги мавжуд сиёсий тузум демократик янгиланишлар сари эмас, балки аксинча, авторитаризмни мустахкамлаш учун хизмат килаётганлигига каратиб келади. 2001 йилнинг 20 май кунида мазкур Харакатнинг Европада Хавфсизлик ва Хамкорлик Ташкилотига аъзо давлатларга килган Мурожаатида бошланиб кетиши мумкин булган фукаролар уруши масаласи хам эслатиб утилган: «1998-91 йилларда Узбекистонда бошланган демократик жараёнлар бугунга келиб нафакат тугатилди, балки акси йуналишда давом этмокда. - дейилади баёнотда.- Хозир худди коммустик бошкарув даврида булганидек, оммавий равишда инсон хукукларининг бузилиши кундалик одатга айланди: сиёсий мухолифат норасмий холатда, минглаб инсонлар узгача фикрловчи булганлари ёки диний куз карашлари учун камокка ташланган, мустакил фаолият курсатувчи омаавий ахборот воситалари хам йук. Каримов ва унинг хукуматининг фаол динлорларни жисмонан йук килишга килган уриниши куролли исломий мухолифатнинг пайдо булишига ва фукаролар урушининг бошланишига олиб келди».

Хуш, фукаролар уруши качон бошланди?

Унинг бошланганлиги аломатлари 1999 йилда содир булган исломий жингариларнинг Узбекистон худудига Киргизистон оркали киришга килган уринишларида куринганди. 2000 йилнинг ёз ва кузида Сурхондарё вилоятининг Сариосиё, Узун туманларида содир булган куролли тукнашувлар унинг давоми эди. «Халкаро ташкилотларнинг Узбекистондаги аксил узгаришларга панжа орасидан караётганлиги хам ахволнинг огирлашувига хизмат килади», дейди «Бирлик» халк харакати Марказий кенгашининг котибаси Васила Иноятова. Унинг таъбири билан айтганда, мухолифат вакиллари бу кунда бошланиб кетиши мумкин булган фожиага карши кураш олиб бормоклари шарт ва олиб бормокдалар хам. Бунинг асосий узаги, уни келтириб чикариши мумкин булган омилларни йукотиш. Жамиятда инсон уз хак-хукукни билмас, у хурланар экан, бу омил мукаррар фалокатга олиб бораверади.

- Фукаролар норозилигининг асосий сабабларидан бири - Узбекистонда, нафакат Узбекистон, балки бутун Марказий Осиё давлатларида авж олган коррупция ва порахурлик билан хам боглик», деб сухбат беради уз номи ошкор килинишини истамаган Каршилик адвокатлардан бири. - Колаверса, уша Жума Намонгонийми, Тохир Йулдошми, ушалар давлатни бир кулга киритсалар, порахурликка ухшаган анча-мунча ижтимоий муаммолар йук килинарди, деб уйлаятганлар оз эмас. Ахир бу йирингга тулиб турган яра качондир ёрилиши керак».

Юкорида келтирилган фикр ва мулохазалардан хулоса ясайдиган булсак, мавжуд ахвол хукуматга уз мавкеини мустахкамлаб олиш учун, куролли мухолифатга эса хокимиятни эгаллаш учун керакка ухшайди.

Тинч йул билан бу муаммолар хал килинмас экан, Осиё китъасида яна бир уруш учоги ёниши мукаррар.