МИХАИЛ СААКАШВИЛИГА БАҒИШЛАНАДИ

Наҳот ер юзидан кўчиб кетдилар,
Қани Америка, қани Европа?!
Наҳот эрларини бичиб кетдилар,
Қани Америка, қани Европа?!

Очунни босдику чексиз ёвузлик,
Қирилиб кетмоқда мардлар - номуслик,
Қайдасан қалқоним, ёндим қақнусдек,
Қани Америка, қани Европа?!

Саакашвили - эрк, имон тимсоли,
Адолат заволи - унинг заволи.
Жон Маккейнлардан қолдими холи,
Қани Америка, қани Европа?!

Кимларга ишондим - нақадар майда -
Кимга устун бўлса номусдан фойда,
Қайдасан, эй Тангрим, қайдасан, қайда -
Қани Америка, қани Европа?!...

2021 йил, 19 ноябрь.

* * * * *

Нечун сўкинасан?! - сўрайсан, ёрон,
Ягона имконим - имконсизликдир.
Ёвузлик кучайса - тораяр жаҳон -
Имони омонга - омонсизликдир.

Номардликка қарши тўфондек ўпкам,
Чексиз аламимни тўкиб тураман.
Сотқину ёғийнинг қўлида ўлкам,
Ягона имконим - сўкиб тураман.

Бўлса ёмонликни қиришга чорам,
Зинҳор сўкинмасдим - қирғин эди - соз.
Ўт қўйсам, ўлдирсам - битарди ярам,
Золимлар дунёси ёнмаса - носоз.

Яқинда кўрасан, биродар,ишон,
Сўкинишга қолмас эҳтиёж асло.
Қурган дорларимга тор келар жаҳон,
Тор келар - мен ёққан оташга дунё...

2021 йил,19 ноябрь.

* * * * *

Фарқи бўлса отдан отнинг қанчалик -
Фарқи бордир зотдан зотнинг шунчалик.
Чаман отдан йўрға эшак ўзади,
Ҳатто чақмоқ саман тулпор изида.

Пуштингда бир гапни уққан ўтганми,
Бировнинг дардини англаб етганми?!
Уқмаганми - демак сен ҳам уқмассан,
Товуқ тухумидан чиққан товуқсан.

Бу дегани пушти доно - дономи,
Доно десам - кўпинча кўп хатоку.
Айнимаган бўлса - лочин тухуми,
Лочин чиқар, шундоқ зотлар тузуми...

2021 йил, 19 ноябрь.