Тўғридан-тўғри мухолифатчилик қилмаса ҳам, демократик мухолифатчиларга яқинлиги билан танилган Россиядаги Gazeta.ru Интернет сайтининг мухбири Георгий Бовт шу кунларда “Сохта ақллилик кўрсатиш вақти эмас” (Не время умничать) номли мақоласини эълон қилди. Уни ўқисангиз, Георгий Бовт бизнинг “Ҳаракат” билан ҳамфикрлигини дарҳол кўрасиз.

Мақола шундай бошланади: “Россиядан ақл оқмоқда. Кўп ўтмай, ҳамма ақл оқиб кетадиганга ўхшайди. Кўриб турибсизки, атрофимизда саводсиз аҳмоқлар кўпайиб кетмоқда. Айнан улар ортиб бораётган ишонч ва қатъият билан ҳамма нарсани бошқармоқдалар. Ва ёлғондакам ақллилик кўрсатиш ҳам камайиб ва камайиб бормоқда.”

Каттагина мақоланинг қолган қисмида шу фикр ҳар томонлама ва чуқур анализ қилинади, Россияда университетларни битирган талантли ёшлар биринчи имконият бўлиши билан чет элга қочишаётгани, чет элларда ўқиган россияликлар ўша ерда ишга қолиш учун йўл қидириб топаётганлари урғуланади. "Уч" баҳолар билан Россия университетларини битирганлар мамлакатни бошқариш билан шуғулланмоқдалар.

Ғарбда таълим олган хитойлик ва японларларнинг кўпчилиги эса, ўз мамлакатларига қайтиб бориб ишлаётганлари ҳам мақолада алоҳида айтилади.

Россияни бошқараётганлар эса, бундай салбий жараёнларни тўхтатишни ҳам ўйламаётганлари, тўхтатиш учун ҳаракат ҳам қилмаётганларини кўп марта қайтарган Георгий Бовт, чет элга қочаётганларнинг мақсади фақат пул топиш эмас, эркинликка чиқиш ҳам эканлигини алоҳида таъкидлайди. Яъни, Россияда демократия йўқлигини очиқча бўлмаса ҳам, нозик имо-ишоралар билан яхшигина қоралайди. У, биздан фарқли ўлароқ, Россия Президенти Владимир Путинни очиқча қораламайди. Аслида, ҳамма нарсанинг бош айбдори айнан Путиндир.

“Бирлик” Халқ Ҳаракати Партиясининг жарчиси бўлган “Ҳаракат” Агентлиги айнан шу фикрларни йиллардан бери очиқча, ҳатто қўпол шаклда такрорлаб келмоқда. Қўполлигимизнинг сабаби ҳам аниқ. Ўзбекистон ва унинг халқи шундай ғариб аҳволдаки, бизнинг халқимиз Георгий Бовтники каби ўта маданиятли, ўта назокатли имо-ишораларни тушунмайди, ёки уларга тушунтиши учун ўн йиллаб вақт керак.

Биз эса, жараёнларни тезлаштириш мақсадида “шок тераписи” усули билан “қўполлик” қилмоқдамиз. Ўзбекистон ва ўзбек миллатини аввал Ислом Карим бошқарган, ҳозир Шавкат Мирзиё бошқараётган тожиклар режими ўлимга атайлаб олиб кетаётганини очиқча ёзмоқдамиз.

Ўқувчиларимизни Георгий Бовтнинг Gazeta.ru сайтидаги биз номини тилган олган мақоласи ва бошқа мақолаларини қуйидаги адресга кириб ўқишга чақирамиз: https://www.gazeta.ru/comments/column/bovt/