16 March 2018
18:22 - Тошкентда “Бирлик” Партиясининг кенгайтирилган Марказий Кенгаши мажлиси ўтказилади

Эртага, 17 март куни Тошкентда “Бирлик” Халқ Ҳаракати Партияси Марказий Кенгашининг навбатдаги мажлиси ўтказилади. Мажлис кун тартибида партиянинг янги президент олиб бораётган сиёсатга муносабат билдириш, ижобий ишларни тан олиш, ҳали давом этаётган хато ишларни тузатиш талабларини ўртага қўйиш ва шу муносабатдан келиб чиқадиган партиянинг келажак стратегиясини белгилаш ва ҳокимиятга конструктив таклифлар бериш каби масалалар бор.

Шунингдек, партияни рўйхатдан ўтказиш жараёнини давом эттириш масаласи, ўрта ва кичик бизнес вакилларини ҳамкорликка тортиш, мамлакатдаги 4 расмий сиёсий партияларни уйғоқликка чақириш ва халқни ўз овозини ҳокимиятга етказиш мақсадида демократик дунёда тан олинган тинч митингларга чиқишга ўргатиш масалалари ҳам кун тартибидан ўрин олган.

Эслатиб ўтиш керакки, "Бирлик" Партиясининг Марказий Кенгаши охириги йиғилишини 2017 йил 28 январда ўтказган ва Шавкат Мирзиё қандай сиёсат олиб беришини кўриш учун маълум вақт бошқа тадбирлар ўтказмаслик қарори олган эди.