2017 йилнинг охирги кунлари Шавкат Мирзиёнинг Олий Мажлисдаги сафсатасифат Мурожаатномасидан кейин, Ўзбекистонда ҳукмронлик қилаётган тожиклар режими Ўзбекистон давлати ва Ўзбек миллатини ҳозирги аянчли аҳволдан олиб чиқиш учун ҳеч нарса қилмаслиги 100 фоиз маълум бўлди. Айнан ўшандан кейин онамухолифат ташкилоти – “Бирлик” Партиясининг жарчиси “Ҳаракат” ўзбекларни майдонларга чиқишга, тинч митинг ва намойишлар уюштириб, Шавакат Мирзиё ва унинг ҳукуматидан мамлакат ва халқнинг ғариб аҳволдан олиб чиқиш устида ишлашни талаб қилишга чақиришга бошлади. Ва қайта-қайта “майдонларга чиқиш ва ҳукумат олдига талаблар қўйиш – демократиянинг асосий қуролларидан бир эканлигина алоҳида урғулади.

Ўзбек халқи айнан шундай митинглар йўли билан Ислом Каримнинг ҳамма қаршиликларига қарамасдан, Ўзбекистонимизни мустақиликка эриштирганини исботи сифатида “Бирлик”нинг 1989 йилдаги намойшларидан бирида олинган расмини ҳам эълон қилар эдик.

Эртами кеч ўзбек миллати бизнинг чақириқларимизга жавоб беришини билар эдик, дейди мухбиримиз. Кеча Москвадан келган баъзи хабарлар бизнинг ҳақлигимизни кўрсатди.

Маълум бўлишича, кеча Ўзбекистоннинг Москвадаги элихонаси олдида йиғилган унча катта бўлмаган ўзбеклар гуруҳи йиғилиб, Ўзбекистон ҳукуматидан Қозоғистонда автобусдаги ёнғинда ҳалок бўлганлар хотирасига Ўзбекистон бўйлаб Мотам Куни эълон қилишни, миллионга яқин ўзбекистонлик Россияга келиб ишламаслиги учун Ўзбекистонда жиддий ўзгаришлар қилиниши кераклиги хусусида талабларни ўртага отишган. Аммо, уларнинг одига элчихонадан ҳеч ким чиқамагн. Табиий, кеча шанба, яъни иш куни эмаслигигни тан олиш керак, аммо элчихонада камида 1-2 кишилик навбатчи ҳар доим бўлади.

Нима бўлса ҳам, ўзбекларнинг Москвадаги намойиши олқишга сазовор. Ўзбекистондаги яшаётган ўзбеклар ҳам бизнинг чақириқлариимизга қулоқ солишлари ва Тошкент ҳамда бошқа шаҳарларнинг майдонларини тўлатиб, Шавкат Мирзиёдан тезлик билан ҳақиқий демократик сайловлар йўли билан прзидентни, Олий Мажлис аъзоларини тўла янгилаш ва Ўзбекистонда фундаментал сиёсий-иқтисодий ислоҳотлар бошлашни талаб қилишлари керак.

Аминмизки, Ўзбек халқи айнан шундай қилади. Чунки, Ўзбекистон ва Ўзбек миллатини ҳозирги ғариб аҳволдан олиб чиқишни бошлаш учун бошқа йўл йўқ.

Расмда - “Бирлик” 1989 йили уюштирган намойишлардан бирининг қатнашчилари Алишер Навоий кўчасидан кетишмоқда, озодлик ва мустақиллик талаб қилишмоқда. Қаранг, намойишчиларнинг кўплигига. Ўшанда "Бирлик" ўзбекларни шундай буюк ишларга жалб қилолган ва Ўзбекистонни мустақилликка эриштиролган эди. Ўша воқеалар ҳозирги авлод ўзбеклари учун дарс бўлиши керак.