17 January 2018
01:21 - Расмий ташриф билан АҚШга келган Нурсултон Назарбойни Оқ Уйда Доналд Трамп қабул қилди

АҚШ Президенти Доналд Трампнинг шахсий таклифи билан кеча АҚШга келган Қозоғистон Президенти Нурсултон Назарбой Оқ Уйда Доналд Трамп тарафидан қабул қилинди. Associated Press Анентлиги Доналд Трамп меҳмонни Оқ Уй олдида автомобилидан чиқаётган пайтида кутиб олгани (расмда), икки президент хавфсизлик ва иқтисодиёт соҳаларида ҳамкорликни мустаҳкамлаш, халқаро муаммоларини, жумладан, Афғонистонда ва Шимолий Корея атрофида бўлаётган воқеаларни муҳокама қилишган. Ҳозир Қозоғистон БМТнинг Хавфсизлик Кенгашида раислик қилаётгани алоҳида таъкидланган.

Қозоқларнинг Казинформ Агентлигининг хабарида икки президент қандай баландпарвоз гаплар билан бир-бирларига илтифот кўрсатишгани, улар алоҳида гаплашганларидан кейин тушлик овқатини ҳам бирга қилишлари, суҳбат у ерда ҳам давом этиши, учрашувдан кейин икки президент қўшма баёнот эълон қилиши урғуланади. Хабарда яна айтилишича, Нурсултон Назарбойнинг бошқа давлат расмийлари, катта тадбиркорлар билан учрашувлари ҳамда БМТнинг Хавфсизлик Кенгаши мажлисида қатнашиши режалаштирилган.

Казинформнинг хабарида айтилишича, Нурсултон Назарбой Марказий Осиё давлат раҳбарларидан биринчи бўлиб Доналд Трамп томонидан Оқ Уйга таклиф қилингани учун алоҳида миннатдорчилик билдирган.