15 January 2018
09:18 - Хитой порахўрлик ва коррупция ботқоғида, демократия бу ерга қачон келади?
China Daily нашрининг Хитой Халқ Республикаси Корупцияга қарши курашиш хизматига асосланиб тарқатган хабарига кўра, Хитой 2017 йилда чет элларда қочиб юрган 1300 порахўр ва коррупционерни ушлаб келибди, улардан $522 млн пул ундирибди. Уларнинг 347 нафари партия аъзоси ёки давлат хизматчилари экан. Демак, қолган 1 мингга яқини тадбиркорлар бўлса керак.

Яна 800 одам қидирувда экан. Уларнинг кўпчилиги Австралия, Канада, Янги Зелендия ва АҚШда эканлиги , улар бу мамлакатларда ўз мақомларини расмийлаштириб олганлари таҳмин қилинмоқда.

Маълумки, Хитой - коммунистик ғояларнинг биридан воз кечиб, хусусий тадбиркорликка йўл очган ва бозор иқтисодиётига ўтган мамлакатдир. Аммо, бу ерда демократия йўқ. Порахўрлик ва коррупция даражаси демократия даражасига тескари пропорционал эканлиги эса, аллақачон исботланиб бўлган. Демак, Хитой коммунистларига энди демократияни ривожлантириш устида ўйлашдан бошқа йўл йўқ. Қачон ўйлашга бошлайдилар, қачон шу йўналишда иш бошлайдилар? Бу саволларга ҳали жавоб йўқ.