13 November 2017
18:29 - Озарбайжондаги ягона мустақил хабар агентлиги “Туран”нинг директори озод қилинди, агентликни таъқиб қилиш тўхтатилди, Абдураҳим Пўлат нима дейди
Шу йил 27 августдаги хабаримизда Озарбайжондаги ягона мустақил хабар агентлиги “Туран”нинг директори Меҳмон Алиев ва агентликнинг банклардаги ҳисоблари ҳибсга олингани, Меҳмон Алиевга қарши (расмда) Жиноят Кодексининг учта моддаси – солиқ тўлашдан бўйин товлаш, хизмат ваколатларини суиистеъмол қилиш, катта дарамод олиш мақсадида ноқонуний тадбиркорлик билан шуғулланиш – бўйича жиноий иш очилганини билдирган эдик.

Ўша хабаримиздаёқ билдирганимиздек, Европада Хавфсизлик ва Ҳамкорлик Ташкилоти, Европа Кенгаши Парламентар Ассамблеяси расмийлари Меҳмон Алиевни дарҳол озод этишни талаб қилдилар, Озорбайжон раҳбарларини матбуот эркинлигини бузадаган ҳаракатлар қилмасликка чақирдилар. Кейинчалик жаҳон жамоатчилигининг Озорбайжон диктаторига босимлари ортиб бораверди ва у чекинишга мажбур бўлди.

Аввал, Меҳмон Алиев Бокудан ташқарига чиқмаслик шарти билан озод қилинди, бугун “Туран” Агентлигининг contact.az сайти хабар беришича, тегишли вазирликлар бу агентликга қарши қўзғотилган жиноий ишлар асоссиз бўлгани сабабли бекитилганини билдирганлар.

Бу воқеа Озорбайжон демократларининг катта ғалабасидир.

Яна бир нарсани айтиш керакки, дейди “Бирлик» Партияси лидери Абдураҳим Пўлат, айнан «Туран» Агентлигининг contact.az сайти менинг Туркияда шу йил апрель ойида жорийдаги Президент Ражаб Эрдўғанга сал кам диктаторлик ваколатлари бериш бўйича ўтказилган референдумда ҳаммани «Йўқ» деб овоз беришга чқирувчи, акс ҳолда, Туркия парчаланиб йўқ бўлиш йўлига кетиши ҳақидаги баёнотимни эълон қилган ягона хабар агантлиги бўлган эди. Ваҳоланггки, мен баёнотимни Туркиянинг ахборот воситаларига, сиёсий арбобларига, шахсан Эрдўғоннинг ўзига, Россия ва АҚШнинг бир қатор ахборот воситаларига юборган эдим. Ўйлайманки, “Туран” Агентлигига босим бошланишига менинг баёнотим бу агентлик тарафидан эълон қилиниши сабаб бўлган.