17 October 2017
07:33 - Туркия ибтидоийлашиш йўлида: Эрдўған тайинлаган фанатик исломчи ректорлардан бири “Бегона аёл билан қўл сиқишиш олов ушлашдан ҳам хавфли” дебди
Туркия исломлпашиш, яъни ибтидоийлашиш йўлида давом этмоқда, ҳамми идоралар, судлар ҳам, тўла фанатик исломчиларнинг қўлига ўтиб бўлди. Президент Ражаб Эрдўған тайинлаётган ректорлар ҳам ўшалардан.

“Жумҳурият” газетаси хабар беришича, кеча Адияман Университети ректори профессор ва фан доктори Мустафа Талҳа Гўнулли (Mustafa Talha Gönüllü - расмда) Фейсбукдаги саҳифасида “Бегона аёл билан қўл сиқишиш олов ушлашдан ҳам хавфли” деган ёзув ёзибди. Табиий, у аёлнинг қўлини сиқиш қўлни ростакам куйдиришини эмас, Ислом динига кўра, бундай қўл сиқишиш Оллоҳ тарафидан ыаттиы жазолантирилишини назарда тутмоқда.

Фейсбукда унга қарши чиққанлар бўлган экан, у дарҳол жавоб ҳам берибди. У Ислом динини ўзича “Оят ва ҳадислар бутун коинот учун буйруқдир” деб таҳлил қилар экан, айнан Қуръонга ва Муҳаммад пайғамбарнинг айтган гапларига кўра, ҳеч бир ерда бегона аёл билан қўл бериб кўришиш мумкин эмаслигини қайта-қайта такрорлабди. Қаранг, у аҳмоқ коинот ҳақида гапирар экан, келажакда бутун одамзод Исломни қабул қилишини назарда тумоқда. Ҳозир Ислом дунёси жаҳоннинг энг қашшоқ ва қолоқ қисми экан, одамзодниннг бошқа қисми Ислом динини қабул қилиши тўғрисида ўйлашнинг ўзи калтафаҳмликдир. Бошқаларни динимизга тортиш учун, авваламбор, 21 асрда ножиддийликдан бошқа нарса бўлмаган фанатизмдан воз кечиш ва дунёвийлик/секуляризм принципини қабул қилиш керак.

Бир неча йил аввал Туркияда ҳижоб қонунлаштирилди. Ҳозир исломий одатлар давлат идораларида очиқдан очиқ амалга оширилмоқда, диний байрамлар давлат идораси ва муассаларида расман нишонланмоқда. Булар ҳаммаси давлатнинг Конституциясида ёзилган дунёвийлик/секуляризм принципига қаршидир.

Аввал ҳабар берганимиздек, Туркияда эркак ва аёлнинг уйланиши биздаги ЗАГС каби органлардан муфтиликларга ўтказилмоқчи, у ерда никоҳ ўқилади, тамом-вассалом. Ундан кейин ажралиш ҳам эркаканинг уч марта “талоқ” дейиши билан амалга ошиб кетаверади. Фарзандлар кимда қолиши, оиланинг бойликлари қандай тақсимланиши, алимент масалалари ҳам имомлар тарафидан ҳал қилинишини кўз олдингизга келтироласизми?

Мана энди, эркак ва аёлларнинг қўл бериб кўришишини гуноҳга айлантирмоқчилар. Ундан кейин эркак ва аёлларнинг жамоат транспортида бирга бўлиши тақиқланади, кейин эркак ва аёлларнинг бирга ишлаши тақиқланади, эркакаларга соқолсиз юриш тақиқланади ва ҳоказо ва ҳоказолар. Ва шундай кун келадики, "туяда юриш" суннат дейилади, кофирлар яратган ҳаромий автомобиллар бир тепиб улоқтирилади ва мусулмонлар туяларга ўтадилар. Кейинчлик дарахтларга чиқиб кетсаг-а!

Аммо, шубҳасиз, ислом фанатиклари бунга эришолмайдилар, Ислом дунёсида дунёвийлик/секуляризм принципи тарафдорлари ғалаба қозонадилар. Аммо, ғалаба йўлида катта қон тўкилишлар бўлиши муқаррар. Бунга йўл қўймаслик учун, биринчи навбатда, Турк Дунёси мамлакатларининг президентлари ҳамкасблари Ражаб Эрдўғонга ўта назокатли шаклда бўлса ҳам қилаётган иши ибтидоийлик эканлигини, Турк Дунёси мамлакатлари Туркияда каби исломлашиш йўлига ҳеч қачон ўтмасликларини билдиришлари, қолаверса, бу йўлдан кетиш Ислом динини ўлимга олиб боришини айтишлари керак.