11 September 2017
08:30 - Бечора ИҲТнинг фан ва технологиялар бўйича Остонадаги саммити "Бирлик"нинг фикрларини исломлаштириб ўғирлаб, Ислом дунёсини ўлимга йўллади

Остонадаги Мустақиллик Саройида Ислом Ҳакорлик Ташкилотига кирувчи 56 давлат иштирокида бу ташклотнинг фан ва технологиялар бўйича 1-чи саммити кеча эрталаб иш бошлади. Саммит ўз ишини Нурсултон Назарбойнинг узундан узоқ нутқи билан бошлаб, кейин Мянмада мусулмонларнинг аҳволини муҳокама қилишга ўтганини ҳисобга олсак, пешинга етмасдан ҳам аввал Саммитнинг Остона Декларацияси қандай қабул қилинганини оддий одамнинг ақли билан тушуниб бўлмайди.

Остона Декларациясининг Казинформ тарафидан эълон қилинган рус тилидаги матнини "Ҳаракат"нинг бундан кейинги хабарида ўқишингиз мумкин. Аммо, у 26 моддалик Декларациянинг 7-чиси тамомийла "Бирлик" Партияси лидери Абдураҳим Пўлатнинг баёнотларидан ва "Бирлик"нинг жарчиси бўлган "Ҳаракат"да эълон қилинган инқилобий фикрларидан, уларнинг моҳиятини ўзгартирувчи бир неча сўз қўшиб, кўчириб олингани сабабли, ҳозир ўқувчиларимизни ўша 7-чи модда билан таништирмоқчимиз:


7. Замонавий фаннинг вайронакор табиати ва унинг 21 асрда жамиятга махсус таъсирини назарда тутиб (табиий, гап - салбий таъсир ҳақида кетмоқда - "Ҳаракат"), мақсадимиз - жамиятимизнинг ҳаддан ташқари қашшоқлигини, ақл-идрокимизнинг қашшоқлиги ҳам шунинг ичида, таг-туги билан тугатиш, халқларимизнинг ижодий ва инновацион салоҳиятини ривожлантириш эканлигини тасдиқлаймиз.

"Ҳаракат": Ислом дунёсининг ҳаддан ташқари қашшоқлиги, мусулмонларнинг ақл-идроки ҳам айнан шундай қашшоқлигини "Бирлик" Партияси лидери Абдураҳим Пўлат ва "Бирлик"нинг жарчиси бўлган "Ҳаракат" йиллардан бери гапириб келишаётганини ўқувчиларимиз жуда яхши билишади. Бу аянчли аҳволдан чиқишнинг ягона йўли - авваламбор Ислом динида ФУНДАМЕНТАЛ ислоҳотлар ўтказиш, Ислом дини дунёвийлик/секуляризм принципини қабул қилишига эришиш, ана ундан кейин, табиий, илм-фанни ҳам ривожлантириб бориб, Ислом дунёсини қолоқлик ва қашшоқликдан чиқариш устида ишлаш мумкинлигини ҳам айнан "Бирлик" ва "Ҳаракат" гапирмоқда.

Аммо, қаранг, Ислом дунёсининг аҳмоқ лидерлари айбни Ислом динининг Қуръонни хато тафсир қилишдан келиб чиққан хато тушунчаларидан эмас, "Замонавий фаннинг вайронакор табиати ва унинг 21 асрда жамиятга махсус (салбий) таъсири"дан қидирмоқдалар.

Ислом дунёсидаги бундай лидерлар билан Ислом дини ўлим йўлига кетаётганлиги шубҳасиздир. Аммо, ҳеч қандай шубҳа йўқки, Ислом дини "Бирлик" ва "Ҳаракат"нинг таклифларини қабул қилади, ана ўшандан кейингина Ислом дунёси ҳозирги қолоқлик ва қашшоқликдан қутилиб, замонавий дунё даражасига кўтарилади.

Бу масхарабозлик саммитига доир биронта тузукроқ расм тополмадик.