23 May 2017
09:01 - “Ҳаракат” ҳам янглишар экан: Нурсултон Назарбойнинг Доналд Трамп билан расми эълон қилинди, расмиятчилик расми эмас, ҳақиқийси

Кеча эълон қилинган “Эй, бор экан-ку: Доналд Трамп ҳамма қатори Шавкат Мирзиё билан ҳам расмга тушибди” номли хабаримизда, бу расм расмиятчилик учунгина олинганини урғулар экан, Қозоғистон Президенти Доналд Трапм билан учрашгани ҳақида Қозоғистонда хабар берилган бўлса ҳам, унинг Доналд Трамп билан расми берилмаганини урғулаган ва “ўзини ўзи ҳурмат қиладиган Нурсултон Назарбой Доналд Трамп билан расмиятчилик учун тушган расмини эълон ҳам қилдирмаган” деб изоҳ берган эдик.

Аммо, бироз янглишган бўлиб чиқдик. Қозоғистон Президентининг расмий қароргоҳи Оқўрданинг матбуот хизмати Назарбой-Трамп учрашувининг эртасига бўлса ҳам, уларнинг биргаликда тушган расмини эълон қилибди. Бу ҳақда Казинформ хабар берди.

Аммо, кўриб турганингиздек, бу расм расмиятчилик учун қўл ушлашиб тушилган Мирзиё-Трамп расмидан мутлақо фарқли. Икки лидер дўстлар каби расмга тушганлар. Улар қисқа бўлса ҳам ростакам суҳбат қилганларига ҳеч қандай шубҳа йўқ. Қолаверса, ҳозир Нурсултон Назарбой дунёнинг таниқли сиёсатчилардан бири, Доналд Трамп у ҳақида аввалдан етралича хабарга эга бўлганига ҳам шубҳа йўқ..

Нима ҳам дердик, шундай лидери бор бўлган қозоқларга ҳавас қиламиз.