24 April 2017
21:22 - Ўзбекистонда ихтисослаштирилган футбол телеканали ишга туширилди, унинг асл мақсади нима?

Кеча Ўзбекистон тарихида биринчи марта махсус ихтисослаштирилган футбол телеканали - "Футбол ТВ" ишга туширилди. Янги ишга туширилган каналда биринчи бўлиб Испания чемпионатининг 33 тури - "Реал"-"Барселона" учрашуви намойиш қилинди. Янги телеканал ташаббускори ахборот журналистикасида ихтисослашган Uzreport TV бўлиб, канал Ташқи Иқтисодий Алоқалар Вазирлиги томонидан молияланади.

Синов тариқасида эфирга узатилаётган "Футбол ТВ" суткасига 12 соат - 14.00дан 03.00га қадар фаолият юритади. Тест жараёни муваффақиятли якунланса, у 24 соатлик иш тартибига ўтказилади. "Футбол-ТВ"да тўғридан-тўғри футбол трансляцияларидан ташқари, энг қизғин кечган учрашувлар такроран намойиш этилиши айтилмоқда. Бундан ташқари, айни вақтда футбол ҳақида кўрсатувлар устида иш олиб борилиб, спорт ҳақида ҳужжатли фильмлар тайёрланаётгани таъкидланмоқда.

21 асрда ҳамма ривожланган, тўғрисини айтса, бой давлатларда спорт ва кўнгилочар телеканалллар кун сайин ортиб бормоқда. Бу табиийдир. Қолаверса, бундай телеканалларни очаётганлар ҳукуматдан мустақил бўллган тадбиркоралар бўлиб, улар аҳолининг кўпчилиги спорт ва кўнгилочар телеканалларни ёқтиришларини билишади ва бу ёқтиришдан ўзларига пул чиқаришади.

Аммо, Ўзбекистон ўз профессоралари ва сенаторлари қозоқ дворниклардан кам маош оладиган қашшоқ давлатдир. Бу ерда "Футбол ТВ" каби телеканаллар давлатнинг ўзи тарафидан очилади ва давлатнинг мақсади – аҳолини сиёсий масалалардан узоқда тутиш ва кўнглил очиш билан машғул қилишдир. Аммо, давлат раҳбарлари тушунишлари керакки, бундай ишлар билан узоққа кетиб бўлмайди, улар мамлакатни ҳозирги қашшоқликдан чиқариш устида ўйлашлари керак.