Мамлакатимизнинг Тожикистондаги элчиси Шоқосим Шоисломнинг таъкидича, Ўзбекистон ва Тожикистон раҳбарияти икки мамлакат ўртасида виза режимини юмшатиш масаласини муҳокама қилишга келишиб олди. Элчи Тожикистон ва Ўзбекистон ўртасидаги совуқ муносабатларнинг Ислом Карим ўлимидан сўнг яхшилана бошлаганига ишора қилди. Хусусан, кеча Душанбеда ўтган матбуот анжуманида Шоқосим Шоислом ўзаро чегарадан ўтиш тартибини, чегара олди ҳудудларида яшовчи аҳолининг борди-келдисини ва виза бериш тартибини енгиллаштириш масалалари кун тартибига қўйилганини айтди.

“Ҳозирча виза режимини тўла бекор қилиниши ҳақида гапиришга эрта. Балки Афғонистондан радикал гуруҳларнинг кириб келиши таҳдидининг олди олинганидан сўнг бу борада қарор қабул қилиш мумкин бўлади”, деб билдирди Шоқосим Шоислом (расмда).