27 July 2016
19:39 - Аҳволимиз ачинарли: Энергетика ва Автоматика Институти тугатилмоқда
Кечаги хабарларимизда Ўзбекистон Фанлар Академияси таркибида масхарбозлик билан шуғулланадиган Тарих Институти Тошкент Миллий Университетисига ўтказилаётгани, гапнинг пўст калласини айтса, феълан тугатилаётгани хусусида ёзгандик.

Бугун эса Акдемиянинг Энергетика ва Автоматика Институти ҳам тугатилаётгани хусусида хабарлар пайдо бўлди. Маълум бўлишича, Президент қарори билан нститут базасида “Ўзбекэнерго” АЖ Илмий-техника маркази ташкил этилиб, тугатилган муассасанинг илмий ва муҳандис ходимлари аввал аттестациядан ўтказлиб, гўёки қайтадан ишга қабул қилинармиш.

Президентнинг таъкидича, қайта ташкил этиш электр энергетика соҳасида илмий-техникавий ривожланиш даражасини тубдан ошириш ва замонавий юқори самарали технологияларни жорий этиш, электр энергетика корхоналарини модернизациялаш, техник ва технологик қайта жиҳозлашнинг стратегик дастурлари амалга оширилишини таъминлаш, шунингдек, бунинг учун зарур бўлган замонавий илмий-тадқиқот ва лаборатория базаларини шакллантиришга йўналтирилган.

Булар ҳаммаси сафсата, иқтисодининг кучи билан Қозоғистондан 8 баравар орқада бўлиб, профессорлари қозоқ дворникларидан кам маош оладиган Ўзбекистон бюджетида илм ва техникани ривожлантириш ишларига маблағ ҳам йўқ, дейди мухбиримиз.
« Олдинги хабар Хабарлар рўйхати Кейинги хабар »