Икки кундан бери АҚШнинг Пенсилвания штатидаги Филаделфия шаҳрида ўтаётган Демократик Партиянинг қурултойида собиқ АҚШ Президенти Билл Клинтоннинг турмуш ўртоғи, Барак Обаманинг биринчи президенлик муддати пайтида Давлат Котиби, ҳозир эса Сенатор бўлган Ҳиллари Клинтон кеча кечқурун АҚШ президентлигига расман номзод этиб сайланди.

Шундай қилиб, 8 ноябрда бўладиган президентлик сайловларида республикачиларининг номзоди Доналд Трамп ва демократларнинг номзоди Ҳиллар Клинтон АҚШнинг 45-чи президенти бўлиш учун курашадилар. Аслида, сайловларда мутлақо кўпчилик билмайдиган партиячаларнинг номзоди ҳам қатнашиши мумкин, аммо асосий кураш шу икки партия номзодлари ўртасида бўлади. Алоҳида урғулаш керакки, Ҳиллари Клинтон АҚШ тарихида биринчи марта шу икки партитядан бирининг президентликка номзоди бўлган аёлдир. Агар у президент бўлиб сайланса, АҚШ тарихидаги биринчи президент бўлади. Шу пайтгача ўтказилган турли сўровномаларнинг натижаларига кўра, ҳозирча Ҳиллари Клинтонга учун овоз бериш ниятидагилар Доналд Трампга овоз бериш ниятидагилардан 6 фоиз кўпроқдир. Аммо, “Ҳаракат”нинг фикрича, сайловгача кўп нарса ўзгаради ва Доналд Трамп ғалаба қозонади.

Демократларнинг қурултойида 2 минг 842 делегат Ҳиллари Клинтон учун, 1 минг 865 делегат номзодликка 2-чи номзод бўлган Сенатор Сандерс учун овоз берди.

Кеча кечасига яқин жорийдаги Президент Барак Обаманинг турмуш ўртоғи Мишел Обама Ҳиллари Клинтонни қўллаб-қувватлаб қурултойда оташин нутқ сўзлади ва қўлидан келганча Доналд Трампга ташланди. Доналд Трампнинг “Американи қайтадан буюк қилиш” шиорини танқид қилган АҚШнинг “биринчи ледиси” АҚШ ҳар доим, ва ҳозир ҳам, буюк эканлигини гапириб, Доналд Трампга тошлар отди.

Шу соатларда, маҳаллий вақт билан вақт ярим кечага яқинлашар экан, демократларнинг қурултойида Президент Барак Обама ва собиқ Президент, Ҳиллар Клинтоннинг турмуш ўртоғи Билл Клинтон нутқ сўзлаши кутилмоқда. Табиий, улар Ҳиллари Клинтонни улуғлаб, Доналд Трампни камситишга ҳаракат қиладилар. Чунки, президенлик пойгасининг сўнгги босқичи бошланиб бўлди.

Расмда – кўпроқ театр спектаклига ўхшаган демократлар қурултойидан бир кўриниш. Минбарда Мишел Обама.