Бугун АҚШнинг Охайо штатининг катталиги бўйича штатнинг пойтахти Колумбусдан кейин иккинчи шаҳри бўлган Кливлендда Республикачилар Партиясининг сайловолди деса ҳам бўладиган қурултойи иш бошлади.

Кун тартибидаги асосий масала - шу йил 8 ноябрда бўладиган президентлик сайловига бу партиянинг ўз номзодини кўрсатиш эканлигини бутун дунё билади. Номзод ким бўлиши ҳам аниқ ҳисоб. Бу – «Бирлик» Партияси Абдураҳим каби шок терапияси усулидаги чиқишлари билан амрикаликларни ростдан ҳам шокка туширган, аммо ростдан ҳам АҚШнинг ҳали ҳеч ким кўрмаётган муаммоларини ўртага чиқара бошлаган Доналд Трампдир.

Маълумки, Доналд Трамп 2 кун аввал, ўзи президент бўлиб сайланса, ўзининг вице-президенти Индиана штатининг жорийдаги губеранотори Майк Пенс бўлишини ҳам эълон қилган эди. Айни замонда, АҚШ даги 100 та энг кучли саноий ширкатларнинг раҳбарлари очиқ хат билан Доналд Трамп президентликка номзод бўлишига қарши чиқдилар.

Агар бу қурутолйда Доналд Трамп президентликка номзод қилиб кўрсатилмаса, АҚШда сиёсий кризис чиқиши муқаррар. Буни яхши тушунган қурултой делагатлар республикачилар жамоатининг фикрига қарши бормаслар керак.