16 July 2016
22:29 - Туркиядан ташқарида ҳам хабарлар бор: Доналд Трамп Индиана губернатори Майк Пенсни ўзининг бўлажак вице-президенти деб тақдим этди
Республикачилар Партиясининг АҚШ президентлигига ҳали расман бўлмаса ҳам, феълан номзоди бўлиб бўлган Доналд Трам ўзининг бўлажак вице-президенти сифатида Индиана губернатори Майк Пенс (Mike Pence) танланганини бугун эълон қилди ва уни ўз тарафдорлари билан таништирди. Бу ҳақда Reuters Агентлиги хабар берди.

Хабарда айтилишича, Доналд Трамп Майк Пенсни иш ерлари яратиш ва бюджет мувозанатчилиги соҳаларида тажрибали мутахассис бўлишдан ташқари, партияни бирлаштириш масаласида ҳам фойдали ишлар қилоладиган сиёсатчи сифатида танитган.

Нью-Йорк шаҳрида ўтказилган тақдимот маросимида Доналд Трамп, жумладан шундай дебди: “Мен бу лавозимга биринчи бўлиб Майк Пенсни танладим ва унда тўхтадим. Мен унинг ҳамма ердаги ишига, айниқса, Индиана штатидаги ишига қойил қолдим”.

Бир неча кундан кейин Республикачилар Партиясининг қурултойи бўлади, у ердан Доналд Трамп ва Майк Пенс расман номзод бўлиб чиқадилар - Доналд Трамп президентликка, Майк Пенс вице-президентликка.

8 ноябрда бўладиган сайловларда бу жуфт ғалаба қозиниши муқаррардек кўринмоқда. Турли сўровнома натижаларига кўра, ҳозирча сайлов пойгасида Демократик Партиянинг номзоди Ҳиллари Клинтон олдинда кетмоқда. Аммо, дунёда бўлаётган воқеалар, хусусан, АҚШ дунё лидерлиги мусобақасида иқтисоди чўкаётган Россиядан орқада қолишгача бораётгани, ЕИ ичида барқарорсизлик хавфи кучаяётгани, ислом терроризмининг кенг тарқалиш хавфи ортиб бораётгани - америкаликларни мутлақо янгича йўллар таклиф қилаётган Доналд Трапмга овоз беришга чорлаши муқаррар.
« Олдинги хабар Хабарлар рўйхати Кейинги хабар »