15 July 2016
23:05 - АҚШ Давлат Котиби Жон Керри икки кундан бери Москвада, кеча Путин билан учрашди, бугун ҳамкасби Лавров билан овора
Ўтган йили май ойида Женевада Эроннинг ядровий дастурларини тўхтатиш учун ўта муҳим “Эрон-Олтилик” музокаралари олиб борилаётган кунларда Альп тоғларида велосипед учиб оёғи синган АҚШ Давлат Котиби Жон Кери фақат велосипедни эмас, Россиянинг ҳам яхши кўриши маълум бўлмоқда. У кечадан бери Москвада. Турли хабарларга кўра, бу унинг охирги йилда 3-чи ёки 4-чи марта Москвага келиши.

Жон Керри кеча ярим кечага яқин Россия Президенти Владимир Путин билан учрашди. Айнан ўша учрашув пайтида Ниццада террористик акт уюштирилгани ва 80 дан ортиқ одам ҳалок бўлгани ҳақида хабарлар келди. Путин-Керри музокаралари қисқа вақтга узилгани ҳақида ҳам хабарлар бор.

Керрининг ҳозирги мақсади - Сурия масаласида Россия АҚШнинг ҳам гапларига қулоқ солишига эришишдир. Аммо, нафақат Сурияда, балки, бутун Яқин Шарқда, Россия-Эрон коалицияси Ғарбни у ердан сиқиб чиқариб бўлди. Шундай аҳволда, аввал ҳам Ғарбга тупириб келган Владимир Путинни АҚШ билан ҳамкорлик қилиш ва ҳатто унинг гапларига қулоқ солишга чақиришнинг мантиғи йўқ.

Тўғри, дейди мухбиримиз, Ғарбнинг санкциялари остида, агар улар узоқ вақт давом эттирилса, Россиянинг иқтисоди чўкади, Россия худди СССР каби парчаланиб кетади. Керри шуларни Путинга тушунтирмоқчими?

Қисқа қилиб айтсак, АҚШ ташқи сиёсатинг бошида Барак Обама ва Жон Керри каби замонавий реалликларни тушунмайдиган одамлар ўтиргани учун АҚШ ҳамма ерда мағлубиятга учрамоқда, жаҳон жамоатчилиги дунёнинг энг кучли сиёсатчиси сифатида Путинни тан олиб, иккинчи ўринга Германия канцлери Ангела Маркелни қўяр экан, Барак Обамага 3-чи ўрин бермоқда.

Кэрри Москвага келиб. Путинга қуллиқ қилишни давом этираверса, яқинда АҚШ Президенти жаҳон лидерлари ўртасида 3-чи ўринни ҳам эгаллай олмай қолади. Аслида, америкаликларнинг ҳамма умиди – Республикачилар Партиясининг президентликка номзод бўлиши аниқлашиб қолган Доналд Трампда бўлса керак. Айнан у “Американи қайтадан буюк қилиш” шиори остида бирон нарсалар қилишга эришолса керак.