13 July 2016
22:34 - Президент Ислом Каримнинг икки китоби чоп қилинибди, ўзбек халқини мардикорлар подасига айлантириб бўлган бу шахс нималар ёзиши мумкин?
Номи улуғ, супраси қуруқ Ўзбекистон Миллий Ахборот Агентлиги мухбирининг ёзишича, президентнинг илк китоби “Озодлик ҳавосидан тўйиб нафас олган халқ ўз йўлидан ҳеч қачон қайтмайди” деб номланган. Китобда мамлакатинг бугунги ва эртанги тараққиёти, мамлакатдаги тинчлик ва осойишталикни, обод ва фаровон ҳаётни янада мустаҳкамлаш ва қадрига етиш, олиб борилаётган кенг кўламли ислоҳотларни чуқурлаштириш, бунёдкорлик ишларини янги босқичга кўтариш, ёшларни соғлом ва баркамол қилиб тарбиялаш каби ўта муҳим ва долзарб масалалар бўйича фикр юритилади.

“Ўзбекистон” нашриёт-матбаа ижодий уйи томонидан нашр этилган иккинчи китоб эса “Ҳаёт синовларида тобланган Қашқадарё эли ҳар қандай юксак маррани эгаллашга қодир” деб номаланган. Мазкур китоб ҳам биринчиси каби муқаддас фикрлар билан йўғрилган ва ундан президентнинг яқинда жанубий вилоятларга амалга оширган сафаридаги ўгитлари ўрин олган.

Қизиқ, дейди мухбиримиз, ўзбекнинг миллий демократлари ҳали СССР тирик экан, “Ўзбек тили – давлат тили!” шиори остида митинглар уюштирганда, уларни калтаклаттирган ва қамоқларга ташлаттирган, миллий демократларининг кураши натижасида эришилган мустақилликдан кейин эса, асрлардан бери Марказий Осиёда лидерлик қилган ўзбекларни кечагина отдан тушган қозоқларнинг мардикорлар подасига айлантириб бўлган Ислом Карим қанақа “озодлик ҳавоси” ва “юксак марраларни эгаллаш” ҳақида гапириши мумкин. У одамнинг китобларини ҳам, ўзининг ҳам жойи - ахлатхонададир.
« Олдинги хабар Хабарлар рўйхати Кейинги хабар »