23 июнда Буюкбританиянинг Европа Иттифоқидан чиқиши бўйича ўтказилган референдумда ЕИдан чиқиш тарафдорлари ғалаба қозонгач, дунё хабар агентликларидан фарқли ўлароқ, “Ҳаракат” шундай таҳлил берган эди: “дунё ёш бола эмаслиги ва Буюкбританиянинг ЕИдан чиқиши дунёни катта барқарорсизликка олиб боролмаслиги тезда кўринади”.

Амалда айнан шундай бўлди, референдумдан кейин 2 кун ичида ўпирилиб тушган дунёнинг энг катта Нью-Йорк фондлар биржасининг асосий кўрсатгичи - Dow Jones индекси – бир ҳафтадан кейин ўзини бутунлай тиклаб олди. Жорийдаги ҳафтанинг икки кунида эса, кутилмаган сакрашлар қилиб, тарихий рекорд ўрнатди. Кеча Нью-Йорк фондлар биржаси бекилганда Dow Jones 18 минг 347 га тенг эди. Шу билан 19 май 2015 йилда ўрнатилган рекорд (18 минг 312) урилди.

Жаҳоннинг энг обрўли молиявий ташкилотларидан бири бўлган Халқаро Валюта Фонди (International Monetary Fund) “Brexit туфайли АҚШ иқтисодида озгина бўлса ҳам ўсиш борлигини” урғулади.

АҚШда Марказий Банк ролини ўйновчи Федерал Резерв эса, Dow Jones индексининг ортиши жорийдаги йилнинг иккичи уч ойлигида АҚШда Ялпи Ички Маҳсулот ҳажми 2,3 фоизга ортгани билан изоҳлади. Яъни, ЯИМ ҳам ортган бўлса, АҚШ иқтисоди ўсиш йўлида эканлигига, “Ҳаракат” ҳақ эканлигига шубҳа йўқ.