Бир неча кун аввал Москва Халқаро Алоқалар Институтига кириш учун ҳужжатларини топширишга келган ҳижобли қизни институт биносига киритишмаган экан, бу воқеадан хабардор бўлган омавий ахборот воситаларида кичкинагина тўпалон ҳам бўлибди. Биринчи бўлиб бу воқеага ўз муносабатини билдирган Россия Федерацияси Таълим ва Илм Вазирлигида талабаларни ташқи кўриниши туфайли институтга киритмаслик мутлақо хато бўлганини айтишибди.

Аммо, институтнинг исми айтилмаган расмий вакили русларнинг “Новости” агентлигига бу хусусда шундай дейди: “Бу институт 7 ўн йилликдан бери кўп функционал ва дунёвий олий ўқув юрти сифатида шаклланган. Ўқув юртининг анъаналари, ўқувчи ва ўқитувчиларнинг ўзларини тутиш қоидалари, ўқувчи-ўқитувчи муносабатларининг ҳам шу даврда шаклланган. Талабалар ва ўқитувчиларнинг ташқи кўриншлари ҳам шуларнинг ичидадир.”

Бизнинг фикримизча дейди, мухбиримиз, институтнинг расмийси мутлақ ҳақ. Ўқув юрти бўладими, оддий идора ёки овқат ейиш жойи бўладими, бу ерга биринчи марта келган одам, бу ерда шаклланган анъана ва қоидаларга амал қилиши шарт. Табиий, ҳижобли қиз мусулмон бўлган. Аммо, ҳижоб Ислом динида ҳам фарз эмас, шундай экан, мусулмонлар ўзга юртларга яшашга ёки ўқишга келар эканлар, бу ердаги қонун-қоида ва тарихий анъаналарга итоат қилшлари керак.

Нафақат туркларнинг, балки, одамзотнинг буюк намоёнталаридан бири бўлган Отатурк Ислом дунёсида биринчи дунёвий/секуляризм давлати яратар экан, аёлларга жамоат жойларида ҳижобда бўлишни тақиқлатган эди. Ҳозир ҳокимиятга келган исломчилар дуёвийлик принципларини йўқ қилиш билан машғуллар, аммо узоққа боролмайдилар. Дунё мусулмонлари дунёвийлик принципларини қабул қилишга маҳкумлар, чунки, бундан бошқа йўл мусулмонларни яккамоховларга айлантиради, ўрта асрларга қайтаради, холос. Бунга йўл қўйиб бўлмайди.