11 July 2016
23:06 - Тереза Мэй Буюкбританиядаги Консерватив Партиянинг раислигига сайланди, Бош вазир ҳам у бўлади
Reuters Агентлигининг хабарига кўра, Буюкбританияда ҳокимиятда бўлган Консерватив Партия бугун ўзига янги раис сайлади. Аввалги раис, жорийдаги Бош вазир Дэвид Кэмерон расиликдан истеъфога кетди, 13 июлда Бош вазирликдан ҳам кетмоқчи.

Демак, 59 ёшли жорийдаги Ички ишлар вазири Тереза Мэй икки кундан кейин янги Бош вазир ҳам бўлади. Бу ўзгаришларнинг сабаби Буюкбританияда 24 июнда ўтказилган референдумда Европа Иттифоқидан чиқиш тарафдорларининг ғалабасидир.

Тереза Мэй ЕИдан чиқмаслик тарафдори бўлган, аммо референдумдан кейин унинг натижаларини ҳурмат қилишини билдирган эди. Бугун у партия раиси бўлиб сайлангандан кейинги баёнотида ҳам “Brexit – Brexit демакдир, энди биз қарордан муваффақиятли фойдаланишимиз керак” дебди.

Эслатиб ўтамиз, Буюбритания параменти 4 миллиондан ортиқ одам тарафидан имзоланган Европа Иттифоқидан чиқиш бўйича референдумни қайта ўтказиш талабномасини кўриб чиқиши керак. Кўрамиз, ўша пайтда Тереза Мэй қайси позицияда туради.