11 July 2016
15:27 - Буюкбритания ҳукумати ЕИдан чиқиш референдумини қайта ўтказишни рад этди, навбат парламентга
Буюбритания параментининг сайтида бу мамлакатнинг Европа Иттифоқидан чиқиши бўйича референдумни қайта ўтказиш талабномаси 2 миллиондан ортиқ одам тарафидан имзолангани, бу мамлакат қонунларига кўра, 100 минг киши тарафидан имзолаган талабнома (петиция) албатта парламент тарафидан кўриб чиқилиши кераклигини “Ҳаракат” ҳам ўтган ойнинг охирларида хабар қилган эди. Кейинчалик имзолар сони 4 миллиондан ортди.

9 июль куни шу масалани кўриб чиққан Буюкбритания ҳукумати қайта референдум ўтказишни рад этди. Маълумки, охирги сўз парламентда ва Буюкбритания парламенти (икки палатали парламентнинг расмий номи - Буюкбритания ва Шимолий Ирландия Бирлашган Қироллигининг Парламенти) бу масалани кўриб чиқишга мажбур.

Эслатиб ўтамиз, референдумда кўпчилик ЕИдан чиқишга овоз бергани маълум бўлгач, дунёнинг фондлар бозори (акциялар сотиладиган биржалар) чўкишга бошлади, Нью-Йорк фондлар биржасининг асосий кўртсатгичи Dow Jones индекси икки кунда 900 поғанага ўпирилиб тушди.

Референдум натижалари маълум бўлган соатларда эса, “Ҳаракат” бу хусусда ўз фикрини билдирган ва 21 асрда Ер юзида етралича барқарорлик борлигини, буюкбританиликларнинг аҳмоқона қарори ҳам уни бузолмаслигини башорат қилган эди. Ҳамма нарса биз башорат қилгандек бўлмоқда. Фонд бозорлари тикланди, Dow Jones эса, тикланишни қўйиб туринг, ўтган жума куни тарихий рекордга яқинлашиб қолди. ЕИ давлатлари ҳам Буюбританинг қарорини совуққонлик билан қабул қилдилар.

Буюбритания парламенти қайта референдум масаласини кўриб чиққанда, у ерда ақллироқлар кўп бўлса, қайта референдум ўтказиш қарори олинади. Шубҳасиз, иккинчи референдумда тескари натижа чиқади, яъни кўпчилик ЕИда қолишга қарор беради.

Тўғри, Буюбританиянинг ЕИдан чиқиши дуёнинг барқарорлигини бузолмайди, аммо глобаллашув жараёнларини секинлаштиради, бу яхши нарса бўлмайди. Чунки, кичкинагина Ер учун ҳозир глобаллашув жуда муҳим. Фақат Ўзбекистон, Туркманистон ва Шимолий Корея каби давлатларнинг Ислом Карим, Туркманбоши-2 ва Ким Чен Ин каби ақлсиз раҳбарларигина яккамоховликни яхши кўрадилар. Лекин, уларнинг ҳокимлиги узоққа чўзилмайди.