Туркия ички ишлар вазири Эфкан Ала Туркияда турли терактларда ҳалок бўлганларнинг оила аъзолари учун ўтказилаган ифторда иштирк этгач, журналистларнинг саволларига жавоб берар экан, Отатурк аэропортидаги теракт натижасида ўлганларнинг сони 42 га чиққанини, қўлларидаги ҳамма далиллар терактларга ИШИДнинг алоқаси борлигини кўрсатаётганини айтса ҳам, биронта факт келтирмаган.

“Миллиёт” газетаси ёзишича, АҚШнинг Миллий Истиҳборат Агентлиги (МИА, русча – ЦРУ, инглизча – CIA) раҳбари John Brennan қандайдир Amerikan Yahoo News сайтида Истанбулдаги ҳужумда ИШИДнинг қўли борга ўхшаётганлигини, у АҚШда ҳам шундай ҳужумлар уюштириш истаётганини айтибди.

Ваҳолангки, дунёнинг бирон бурчагида “тиқ” этган овоз чиқса, маъсулиятни бўйнига олаётган ИШИД Отатурк аэропортидаги терактларни бўйнига олгани ҳақида хабарлар кўрингани йўқ.

Айнан шулардан келиб чиқиб, “Ҳаракат” Агентлиги Туркияда Ражаб Эрдўғон режимига қарши чиқаётган террористларни фатхулла-гуленчилар рағбатлантираётган бўлиши мумкинлиги ҳақида ёзган эди. Фатхулла Гулен ҳозир АҚШда яшайди ва аввалги хабарлдаримиздан бирида айтилгандек, америкалик сиёсатчиларни сотиб олиш билан ҳам шуғулланади. Бу ва бошқа фактларни ҳисобга олиб, ҳозир дунёда бўлаётган террористик ҳужумларда, маълум маънода, АҚШнинг, қолаверса, бутун Ғарбнинг ҳам иштироки борлигини гапириш мумкинлигини ҳам айтган эдик.

Бироз аввал “Миллиёт” газетаси ўзининг қўлига Отатурк аэропортидаги терактларни тожикстонликлар уюштиргани ҳақида маълумот улашганини билдирди. У ерда тжикистонлик деб айтилаётган 3 террористнинг расми ҳам бор. Биз ҳам ўша расмни ўқувчиларимизга ҳавола қилмоқдамиз.

Бундан ҳам қизиғи, 2015 йил 15 январдаги хабарларимиздан бирида (http://harakat.net/news/?id=16311), Тожикистонда фатхулла-гуленчиларнинг лицейлари бекилаётганини билдирган эдик. Бу лицейларни битирганларнинг каттагина қисми ислом фанатикларига айлангани Ўзбекистон мисолидан ҳам маълум. Шундай экан, АҚШда бошпана топган Фатхулла Гуленнинг одамлари айнан тожикистонлик фатхулла-гуленчи бўлиб қолган йигитларни Истанбулда теракт уюштиришга тортишмадими, деган савол ўртага чиқиш ғоят табиийдир.