29 June 2016
22:11 - Истанбул терактида жабрланганлар орасида Ўзбекистон фуқаролари ҳам борлиги аниқланди, Ислом Каримнинг теракт жайбрдийдаларига ҳамдардлигига эса, ишониб бўлмайди

Истанбул теракти оқибатлари ўрганилар экан, қурбонлар сони ортгандан ортиб бормоқда. Улар орасида Ўзбекистон фуқароси, тахминан 30 ёшлардаги Самат Муҳитдинов ҳам бор экан. Унинг жасади Истанбул моргида бўлиб, шу пайтга қадар бу хусусда Ўзбекистон консуллиги мулозимлари моргга мурожаат ҳам қилишмабди. Бундан ташқари Истанбул шифохоналарида даволанаётган ўзбекистонликлар ҳам кўпчилик экан.

Бугун кўплаб давлат раҳбарлари қатори Ўзбекистон Республикаси президенти Ислом Карим ҳам Туркия Республикаси президенти Ражаб Тойиб Эрдўғонга Истанбул шаҳридаги халқаро аэропортда содир этилган террорчилик харакатлари муносабати билан ҳамдардлик мактуби юборганида самиятлик йўқлигини ҳамма тушунади. Чунки, Ислом Каримнинг ўзи жаҳоннинг энг бош террористларидан бири.

Бундан 24 йил аввал айнан 29 июнда ўзини МХХчи деб аташга бошалаган собиқ КГБчилар, табиий, Ислом Каримнинг топшириғи билан “Бирлик” лидери Абдураҳим Пўлатни Тошкентда ўлдиришга ҳаракат қилиб, унинг бошини ёрганларида, Ислом Карим парламент минбаридан туриб ва ҳеч уялмасдан, “керак бўлса, яна юз кишининг бошини ёрамиз” деган эди. Кейинчалик бир қатор демократ мухолифатчиларни, аввал Ислом Каримни қўллаб-қувватлаб келган ва кейин улоқтирилган исломчиларни шафқатсизларча ўлдиришга бошлаган ҳам айнан ўша-ку!

Ўзбекистон Ташқи ишлар вазирлиги эса, ҳар доимгидек иккиюзламачилик билан, ўз хабарида “Мамлакатимиз раҳбари қардош турк халқига ва унинг президентига самимий таъзия изҳор этиб, қурбон бўлганларнинг оила аъзоларига ва яқинларига ҳамдардлик билдирди” маъносидаги сўзлар ишлатибди.