27 June 2016
21:44 - Допинг туфайли полвон аёлларимизнинг олимпиада йўлланмаси бекор қилинди

Ўзбекистон оғир атлетика федерацияси раиси ўринбосари Шаҳрилло Маҳмудовга кўра, Ўзбекистон аёллар терма жамоасига Рио–2016 Олимпиадаси учун берилган ягона йўлланма олиб қўйилди. Ўзбекистонлик аёл спортчилар антидопинг қоидаларини бузганлиги аниқланган. Ҳолбуки, шу йилнинг 21–30 апрель кунлари Тошкентда бўлиб ўтган Осиё чемпионати якунларига кўра, Ўзбекистон аёллар терма жамоаси Рио–2016 Олимпиадасига 1 та жамоавий йўлланма олганди.

«Тан олиш керак, мазкур воқеалар ўзбек оғир атлетикасига ҳам салбий таъсир кўрсатмай қолмади. Аммо бу жазо биз учун у қадар кучли руҳий зарба бўла олмайди. Эркаклар жамоамизнинг 5 та йўлланмаси ўз жойида турибди. Олимпиадада эса биз асосан йигитларимиздан юқори натижалар кутиб турибмиз”, деди Шаҳрилло Маҳмудов.