15 June 2016
13:42 - АҚШ Маркзий Қўшинларининг қўмондони кеча Ўзбекистонда эди, бугун Тожикистонда
Яқинда бу лавозимга тайинланган генерал Жозеф Вотел кеча Тошкентда Ўзбекистон Президенти Ислом Карим билан, бугун эса Душанбеда Тожикистон Президенти Имомали Раҳмон билан учрашганининг сабаби битта – Афғонистонда Толибон қайтадан кучайиб бериётгани туфайли, бу мамалакатда аҳволнинг ёмонлашиб боришидир.

Икки мамлакатнинг расмий хабарларида учрашувга оид ҳеч қандай тафсилотлар йўқ. Бу табиий, чунки, бунда мавзулар ҳар доим яширинча гаплашилади.

Аммо, бир нарса аниқ - бу уч кишининг, яъни икки президент ва АҚШ генералининг учрашувлари ислом терроризмини йўқ қилиш нуқта назаридан мутлақо бефойда бўлган. Чунки, “Ҳаракат” йиллардан бери айтиб келаётганидек, ислом терроризмининг илдизлари Ислом динининг ўзида. Демак, ислом терроризмини йўқ қилиш учун авваламбор Ислом динида фундаментал ислоҳотлар ўтказиш ва Ислом дини дунёвийлик/секуляризм принципини тан олишига эришиш лозим. Бундай қилинмаса, “Бирлик” лидери Абдураҳим Пўлат шу масалалар бўйича АҚШ Президенти Барак Обамага ёзган мактубида айтилганидек, ислом терроризмининг навбатдаги маркази Марказий Осиё бўлади. Бунинг олдини ҳеч ким ололмайди.

Ҳа, дарвоқе, бу учрашувлар ҳақидаги Ўзбекистон ва Тожикистонда тарқатилган хабарлар битта нарсада бир биридан фарқ қилади. Ўзбекистонда, ҳар доимгидек, Ислом Каримнинг АҚШ генерали билан умумий расми берилмаган, Тожикистонда Имомали Раҳмоннинг меҳмон билан умумий расми берилган.
« Олдинги хабар Хабарлар рўйхати Кейинги хабар »