14 June 2016
18:32 - Ўзбекистон испан ширкатини судга берди, маҳаллий йўлсозларни қачон жазолайди?
Ўзбекистон ҳукумати мамлакат ичидан ўтувчи Қамчиқ довони автомобиль йўлини сифатсиз таъмирлагани учун Испаниянинг «Корсан Корвиам Констракшн СА» ширкатини судга берди. Маълум бўлишича, мазкур "Тошкент-Ўш" йўлига ётқизилган цемент-бетон қоплама стандартларга жавоб бермайди. Бу эса ишнинг сифатсиз якунланишига сабаб бўлган.

Бу ҳақдаги маълумотларни Ўзбекистон Республикаси Молия вазирлиги ҳузуридаги Республика Йўл жамғармаси директори ўринбосари Муроджон Аллаберганов тасдиқлади. Мулозимга кўра, ҳақиқатан ҳам Ўзбекистон Қамчиқ довонидан ўтадиган "Тошкент-Ўш" йўлининг кўп қисмлари сифатсиз таъмирланган. Айни пайтда судгача бўлган арбитраж ишлари бошланган.

Испан ширкати суд маҳкамаларидан сўнг сифатсиз ишларини қайта тиклар ва талаблар даражасига келтирар. Аммо бутун мамлакат бўйлаб йўлларни хўжакўрсинга таъмирлаётган, қаллобликларга йўқ қўяётган маҳаллий йўлсозларга ким жазо беради, дейди мухбиримиз.
« Олдинги хабар Хабарлар рўйхати Кейинги хабар »