Шу йилнинг 16 июнидан бошлаб, ШҲТ саммити муносабати билан Тошкент шаҳрига вилоят, туман ва шаҳарлардан келувчи йўловчилар, автоуловлар ҳамда поездларнинг киришига қисман чеклов эълон қилинди. Ҳолбуки, бир қанча интернет нашрлари пойтахт дарвозаларининг бутунлай ёпилиши ҳақида ҳукумат амалдорларига таяниб ёзишганди. Бугун расмийлар бундай ваҳималарга чек қўйиш мақсадида хабарларнинг қасман тўғри эканини билдирди.

Шанхай Ҳамкорлик Ташкилотига аъзо мамлакатлар раҳбарларининг ташрифи муносабати билан, шунингдек, жуда кўп аввалдан режалаштирилган тадбирлар бекор қилинади, тунги соат 22 дан кейинги ҳаракат чекланади.

Шу йилнинг 16 июнига қадар хавфсизлик нуқтаи назаридан пойтахтда доимий пропискаси бўлмаган шахслар чиқариб юборилади. Мамлакатдаги барча қамоқхоналар ва тергов изоляторлари шу йилнинг 20 июндан бошлаб, 10 кун давомида бекитилади ва маҳкумлар яқинлари билан учраша олишмайди.