31 May 2016
21:42 - Ўрис ихтирочига азоб берган ўзбекистонлик энага жавобгарликка тортилди
Ногирон бўлиб қолган таниқли рус ихтирочиси Владимир Бруверга энагалик қилиб, унга муттасил азоб берган ўзбекистонлик Насиба А. жиноий жавобгарликка тортилди. Квартирада ўрнатилган видеокамерага олинган тасвирлар қаровчи касал одамни роса қийноқларга солганини исбот қилган. Москва шаҳар Тергов қўмитаси ҳамюртимиз устидан тергов ишлари олиб бормоқда.

76 ёшли таниқли совет ихтирочиси, металлургия ва аниқ ўлчов техникаси соҳасида кўплаб ихтиролар патентига эга Владимир Брувер охирги йилларда Алцгеймер ва Паркинсон касалликларига учрагани туфайли унинг фарзандлари ётиб қолган қарияга қаровчи ёллаган, дейилади матбуот хабарларида. Аммо, қийноқлар нимадан иборат бўлгани айтилмайди.

Эслатиб ўтамиз, бир неча ой аввал Москвада ўзбекистонлик аёл ўзи энагалик қилаётган қизалоқни калласини олиб ташлагани учун ҳибсга олинган ҳақида хабар берган эдик. Мана энди ўзбекистонлик энага билан боғлиқ яна бир хунук хабар ўртага чиқибди.
« Олдинги хабар Хабарлар рўйхати Кейинги хабар »