Аввалхи хабарларимдан маълумки, ҳозир ўтаётган Демократик Партия ва Республикачилар Партиясининг праймериз деб аталадиган бошланғич босқич сайловларида бу партияларнинг ёз ойларида ўтадиган қурултойларига делегатлар сайланмоқда ва ҳар бир делегат қайси номзод учун овоз бериши шу праймеризлар вақтида белгиланмоқда.

Шунгача Республикасилар Партиясининг номзоди бўлиш учун кураш олиб бораётган Доналд Трамп тарафдори бўлган делегатларнинг сони 1053 бўлиб, қурултойда ғолиб чиқиш учун 1237 делегатнинг овози керак эди. Яъни, ҳали битмаган праймеризларда Доналд Трамп тарафдори бўлган яна камида 184 делегат пайдо бўлсагина у қурутойда ғалаба қозониши муқаррор бўларди.

Аммо, СNN агентлиги яқинда тарқатган хабарга кўра, шу пайтгача бошқа номзодлар учун овоз бериши керак бўлган бир қатор делегатлар, у номзодлар сайлов пойгасидан чиқиб кетганлари туфайли, Доналд Трамп учун овоз беришга қарор қилибдилар. Демак, Доналд Трамп Республикачилар Партиясининг президентикка номзод бўлиши аниқ бўлди. Шу дақиқаларда унинг ўзи журналистлар олдига чиқиб, шу ҳақда қисқа гапирди ва ҳозир журналистларнинг чеки кўринмаётган саволларига жавоб бермоқда.

Эслатиб ўтамиз, “Ҳаракат” Агентлиги, балки бутун жаҳонда биринчи бўлиб, Доналд Трамп Республикачилар Партиясининг президентликка номзоди бўлиши муқаррар эканлигини ойлар аввал башорат қилган эди. Бу башорат амалга ошиб бўлди, дейиш мумкин.

Ҳеч шубҳасиз, кейинги башоратимиз ҳам амалга ошади, Доналд Трам АҚШнинг навбатдаги президенти бўлади.