18 May 2016
22:08 - Тошкентдаги “қора бозор”да АҚШ доллари қаддини тиклади

Ўтган кунги хабарларимизда мамлакатимиз “қора бозор”ларида АҚШ доллари курсининг қарийб 20 фоизга арзонлашиб, 5300 сўмдан харид қилинаётгани хусусида хабар қилгандик. Маълум бўлишича, бугун куннинг иккинчи ярмида АҚШ долларининг курси кескин кўтарилди: 1 АҚШ доллари 6200 сўм. Саррофлар бозордаги беқарорликни эътироф этиб, хорижий валюталар курси ўйнаётгани сабабларини изоҳлай олишмаяпти.

АҚШ доллари курсининг пасайиши Ўзбекистонда шу йилнинг 1-2 июнь кунлари Шанхай Ҳамкорлик Ташкилотига кирувчи давлат раҳбарларининг навбатдаги саммити бўлиши билан изоҳланганди. Кўриниб турибдики, бу версия ҳам ўзини оқламади, доллар яна қаддини ростлади.
« Олдинги хабар Хабарлар рўйхати Кейинги хабар »