13 May 2016
20:44 - Яхши хабар: Тошкентда Ўзбек Тили ва Адабиёти Университети ташкил этилади
Президент Ислом Каримнинг бугунги фармонига биноан Тошкент шаҳрида Алишер Навоий номидаги Тошкент Давлат Ўзбек Тили ва Адабиёти Университети ташкил этилади. Университетни ташкил этиш билан боғлиқ қарор ўзбек тили ва адабиётини, унинг тарихий илдизларини ва глобаллашув шароитларидаги ривожланиш истиқболларини чуқур тадқиқ этиш, ўзбек тили ва адабиётини таълим-тарбия тизимининг барча босқичларида ўқитиш, шунингдек, кадрлар тайёрлаш сифатини ўстириш эҳтиёжлари билан боғлиқдир.

Янги университет Мирзо Улуғбек номидаги Ўзбекистон Миллий Университетининг Ўзбек филологияси факультети, Низомий номидаги Тошкент Давлат Педагогика Университетининг Ўзбек тили ва адабиёти факультети ҳамда Ўзбекистон Фанлар Академияси Алишер Навоий номидаги Тил ва Адабиёт Институти негизида ташкил этилмоқда. Университет таркибида 3 факультет бўлади: Ўзбек филологияси, Ўзбек тили ва адабиётини ўқитиш, Ўзбек-инглиз таржимаси. Бундан ташқари, олийгоҳ ҳузурида ўзбек тили ва адабиёти Илмий-тадқиқот институти ишлайди.

Фанлар Академиясининг Алишер Навоий номидаги Адабиёт Музейи ҳам янги университет таркибига кириб, унинг асосида Ўзбек Тили ва Адабиёти Музейи ташкил этилади.
« Олдинги хабар Хабарлар рўйхати Кейинги хабар »