Японии Бош вазири Синдзо Абэ 6 май куни Сочида Россия Президенти Владимир Путин билан учрашиб кетгани ҳақида бутун дунёда хабар берилди, фақат “Ҳаракат” жим қолди. Чунки, Япониянинг мақсади Иккинчи Жаҳон Уруши пайтида СССР тарафидан Курил орролларини қайтариб олиш эканлиги биз жуда яхши билардик, бу ҳақда хабарларимизда кўп марта ёзгандик. Путин ҳокимиятга келгач, Ельцин замонида олға кетаётгандек кўринган бу масала бўйича Россия-Япония музокаралари тўхтаб қолганди. Япония Сочидаги учрашувда бу йўналишда ўзгариш бўлади деб умид қилганди. “Ҳаракат”га кўра, бу ўта соддаликдир.

Эслатиб ўтамиз, “Бирлик” лидери Абдураҳим Пўлат 2008 йилда Россия-Гуржистон урушига бағишланган “Кенигсберг-Курил муаммолари ва Россия-Гуржистон уруши” номли мақола ёзган эди. Бу мақоланинг ўзбекча варианти “Ҳаракат” журналининг 2008 йилги 4 (73) сонида (http://harakat.net/harakat/?id_harakat=73) ва русча варианти русларнинг Центразия сайтида (http://www.centrasia.ru/newsA.php?st=1252739940) эълон қилинган.

Айнан ўша мақолада Германия ва Япония Кенигсберг ва Курил масаласида Путиндан марҳамат кутмасдан, Россияга қарши ҳар турли босимлар уюштираётган Ғарб билан бирга бўлишлари кераклиги урғуланганди. Айнан шундан кейин, аввалари четда туришни афзал кўрган Япония Ғарб билан биргаликда ҳаракат қилмоқда. Гемания эса, бу масалада биринчи ўринга чиқиб олди. Аммо, Россия орқага чекинадиган кун ҳали келгани йўқ. Ҳали кўп ишлар қилиниши керак. Масалан, Япония ва Германия Марказий Осиё давлатларини Россияга вассаликдан чиқариш йўлида ҳам фаолроқ бўлишлари лозим.

Ҳозир Япония тарафи, Сочидаги учрашувда натижа бўлмаган бўлса ҳам, Россия билан музокаралар тирилганидан хурсанд эканлигини кўрсатмоқда. Бу мутлақо хато нарса. Япония енгини шимарган ҳолда Ғарб билан бирга Россияни орқага чекинтириш йўлидаги ҳаракатларини чуқурлаштиравериши керак.

Аммо, Абдураҳим Пўлатнинг ўша мақоласида ёзган қуйидаги сўзларини ҳам унутмайлик: “Ҳозирги Россияни Ўрта Шарқ мамлакатларида модага кирган тирик бомба-аёллар билан солиштириш мумкин. У бомба-аёлларнинг белида бир неча граната ёки бомбача боғланган, Россиянинг белида эскириб қолган бўлса ҳам дунёни йўқ қилоладиган атом ва ядровий бомбалар бор.”

Демак, япон ва немислар бу бомбаларнинг портлашини олдини олиш учун ҳеч ким кутмаган полит-технологиялар ўйлаб топиш устида ҳам ишлашлари ва бу соҳада ҳам Абдураҳим Пўлатдан ўрганишлари керак.

Ва ниҳоят аввалги хабарларимизда айтилган саолни қайтарамиз: Қизиқ, немислар Кенигсберг (Калиниград) масаласини қачон кун тартибига олиб чиқишаркин?